Սամբոյի Եվրոպայի առաջնության 2 օրում ՀՀ մարզիկները 12 մեդալ են նվաճել

Սամբոյի Եվրոպայի առաջնության 2 օրում ՀՀ մարզիկները 12 մեդալ են նվաճել

PanARMENIAN.Net - Պրահայում շարունակվում են Սամբոյի Եվրոպայի պատանիների, աղջիկների, երիտասարդների առաջնությունները: Մրցումների առաջին օրը ՀՀ մարզիկները նվաճել էին մեկ ոսկե, մեկ արծաթե, երեք բրոնզե մեդալ:

Մրցումների 2-րդ օրը նույնպես ՀՀ մարզիկները շարունակել են հաջող ելույթները: Բրոնզե մեդալներ են նվաճել պատանեկան առաջնությունում Գասպար Հայրապետյանը՝ 52 կգ, Սերգեյ Պողոսյանը՝ 65 կգ, Անի Տեր-Հարությունյանը՝ 44 կգ, երիտասարդականում՝ Արթուր Մանուկյանը՝ 52 կգ:

Արծաթե մեդալների արժանացել են՝ պատանիների մրցապայքարում Կարեն Հովհաննիսյանն (81 կգ) ու երիտասարականում Աննա Մկրտչյանը (+80կգ): Իսկ Գրիգոր Սահակյանը ուժեղագույնն էր երիտասարդական առաջնության 90կգ քաշային կարգում:

Երկու օրվա արդյունքներով Հայաստանը ներկայացնող մարզիկները նվաճել են 12 մեդալ, որից երկուսը ոսկե, երեքն արծաթ, յոթը՝ բրոնզե:

Եվրոպայի առաջնությունում Հայաստանը ներկայացնում է 19 մարզիկ: Առաջնությունը կշարունակվի մինչև ապրիլի 21-ը:

 Ուշագրավ
Բայրամյանը հավաքականին կմիանա առաջիկա հավաքի ընթացքում`
Նա ասել է, որ հաճույք է ստանում իտալական ֆուտբոլից
Ֆոնսեկան հայտարարել է, որ ակումբը մտադիր է թիմում պահել վարձակալությամբ հանդես եկող Մխիթարյանին և Սմոլինգին
Նա նշել է, որ մարզչական խորհրդի որոշումն ապօրինի է և ոչ պրոֆեսիոնալ