Քրդերը մոտենում են սիրիական Տաբկայի կենտրոնին

PanARMENIAN.Net - Սիրիայի ժողովրդավարական ուժերը (SDF), որոնց հիմքում քուրդ աշխարհազորայինների ջոկատներն են, շարունակում են սիրիական Տաբկա քաղաքի գրոհը: 2 օրում նրանք ռազմավարական նշանակության 2 կարևոր կետ են գրավել: Սպանվել է ԻՊ 20 գրոհային, ևս 10 գրոհային գերեվարվել է:

Քուրդ աշխարհազորայինները հսկողություն են հաստատել Ալ Վահաբ թաղամասում, որը ամենակարևորնեից է քաղաքում: Բացի այդ, քրդերը գրավել են քաղաքի հյուսիս-արևմուտքում գտնվող ռադիոկայանը, հայտնում է ՌԻԱ Նովոստին քրդական Firat գործակալության վրա հղումով:

Քրդերը ոչնչացրել են ԻՊ մի քանի ավտոմեքենա և 1 տանկ:

Քրդական ջոկատներին աջակցում են միջազգային կոալիցիայի ինքնաթիռները՝ 2 օրում նրանք 6 հարված են հասցրել գրոհայինների դիրքերին Տաբկայում:

Սիրիայի ժողովրդավարական ուժերը (SDF) կազմված են քրդական ջոկատներից, ինչպես նաև տեղի արաբական ցեղերից: Գործողությունն իրականացվում է ԱՄՆ ավիացիայի և հատուկ նշանակության ուժերի աջակցությամբ: Իր հերթին դա բողոքների պատճառ հանդիսացավ պաշտոնական Դամասկոսի կողմից, որը շեշտում է, որ ամերիկացիները գործում են առանց Սիրիայի իշխանությունների հետ համաձայնեցման և նրանց ներկայությունը Սիրիայում ներխուժում է: