ՀԲՃ. Ամուլսարի ծրագրով փորձագետների ներգրավումը շփոթեցնելու ձև է, իսկ ներդրումները՝ անուղղակի կաշառք28 ապրիլի 2017 - 13:40 AMT PanARMENIAN.Net - Ամուլսարի հանքարդյունաբերական ծրագրի շրջանակներում Անկախ խորհրդատվական խմբի ստեղծումը ծրագրում գոյություն ունեցող խնդիրներից հասարակության ուշադրության շեղման նպատակ է հետապնդում: Այս կարծիքը PanARMENIAN.Net ին հայտնեց Հայկական բնապահպանական ճակատ (ՀԲՃ) քաղաքացիական նախաձեռնության համակարգող խորհրդի անդամ Լևոն Գալստյանը: Ամուլսարի հանքարդյունաբերական ծրագրի շրջանակներում ձևավորվել է Անկախ խորհրդատվական խումբ, որում ընդգրկված են բնապահպանական և սոցիալական ոլորտներում հայաստանյան և միջազգային փորձագետներ, ապրիլի 27-ին տեղեկացրել է «Լիդիան Արմենիա» ընկերությունը: «Լիդիան Արմենիայի» այդ քայլերը մեզ չեն հետաքրքրում: Միջազգային ընկերությունների, փորձագետների ներգրավման քայլերն ուղղակի մարդկանց շփոթեցնելու և գլխավոր խնդիրներից ուշադրությունը շեղելու նպատակ են հետապնդում: Ամուլսարի ծրագիրն ունի այնպիսի անկառավարելի ռիսկեր, հիմնականում ստորերկրյա և հանքային ջրերի աղտոտման հետ կապված, որոնք ոչ մի փորձագետներով, միջազգային ստանդարտներով կամ ինչ-որ կազմակերպությունների գնահատականներով հնարավոր չէ կառավարել: Ցանկանում են տպավորություն ստեղծել, որ եթե խելացի մարդիկ հետևեն, մոնիտորինգ անեն, ապա ոչ մի խնդիր չի առաջանալու: Իրանց կողմից տված գումարները համայնքներին կարելի է համարել այլընտրանքային կաշառք, Ջերմուկում ազգային պարկի ստեղծման ֆինանսավորումը նույնպես անուղղակի կաշառքի ձև է», - ասաց Գալստյանը: Բնապահպանը հավելեց. «Այդ ընկերությունը միշտ հեքիաթներ է պատմում, որ կախարդական փայտիկով ջրերը կհոսեն անհրաժեշտ ուղղությամբ, կհավաքեն մի ավազանում ջրերը, կմաքրեն, հետո նորից բաց կթողնեն, կամ նույնիսկ քամին իրենց հրամանով ճիշտ ուղղությամբ կփչի»: Գալստյանը շեշտեց, որ ծրագիրը չպետք է իրականացվի, և դա կախված է ՀՀ բնակչության գիտակցության մակարդակից: Ամուլսարում շինարարությունը սկսվել է 2016-ին, ոսկու արդյունահանումն ակնկալվում է սկսել 2018 թ. առաջին եռամսյակում: Կարդացեք նաև՝ ՀԲՃ. Ամուլսարում հանք բացելու դեպքում կվտանգվի Սևանա լիճը, Ջերմուկը, Որոտան-Արփա-Սևան ջրատար թունելը Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Հայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներում Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը Հնդկաստանի ԱԳՆ–ն՝ Բաքվին․ Խթանում ենք ռազմարդյունաբերական արտադրանքի արտահանումը Նա նշել է, որ իր երկիրը լավ հարաբերություններ ունի և Ադրբեջանի, և ՀՀ հետ |