Մխիթարյանը՝ «Հայաստանի մանուկներին». Պետք է հավատալ սեփական ուժերին և երբեք չհանձնվել

Մխիթարյանը՝ «Հայաստանի մանուկներին». Պետք է հավատալ սեփական ուժերին և երբեք չհանձնվել

PanARMENIAN.Net - Հայաստանի հավաքականի ավագ և անգլիական «Մանչեսթեր Յունայթեդի» կիսապաշտպան Հենրիխ Մխիթարյանը հանդիպել է «Հայաստանի մանուկներ» (COAF) հիմնադրամի սաների հետ: Հանդիպման տեսանյութը Մխիթարյանը տեղադրել է իր ֆեյսբուքյան էջում:

Մխիթարյանի այցն անսպասելի էր երեխաների համար, և նրանք չէին կարողանում զսպել զգացմունքերը իրենց կուռքի հետ հանդիպումից: Ֆուտբոլիստի պատանի երկրպագուհիներից մեկը հարցրել է, թե որն է նրա հաջողության գաղտնիքը: «Կարևոր չէ, թե ով ես՝ ֆուտբոլիստ, իրավաբան, թե էլի ինչ-որ մեկը: Ցանկացած ոլորտում հաջողության հասնելու համար առավելագույն նվիրում է պետք: Կարևոր է հասկանլ, որ եթե ինչ-որ ուղի ես ընտրել, հարկավոր է նվիրվել այդ գործին՝ հաճույք ստանալու համար կատարած գործից և հաջողության հասնելու համար»,-նշել է Մխիթարյանը:

Նա հորդորել է երեխաներին հավատալ սեփական ուժերին և երբեք չհանձնվել:

Մարտի 23-ին Հայաստանի ազգային հավաքականի ավագ Հենրիխ Մխիթարյանը բարեգործական այց է կատարել պրոֆեսոր Ռ.Օ. Յոլյանի անվան Արյունաբանական կենտրոն:Հենրիխ Մխիթարյանը մեկ առ մեկ անցել է Մանկական արյունաբանական կլինիկական բաժանմունքի՝ լեյկոզով, լիմֆոգրանուլեմատոզով, լիմֆոմայով և այլ հիվանդություններով տառապող բոլոր այն երեխաների հիվանդասենյակներով, որոնք գտնվում էին անկողնային վիճակում, զրուցել և լուսանկարվել նրանց հետ, ֆուտբոլային գնդակներ, մարզաշապիկներ և իր ինքնագրով նկարներ նվիրել նրանց, հայտնում է ՀՖՖ կայքը:

 Ուշագրավ
Նա ասել է, որ հաճույք է ստանում իտալական ֆուտբոլից
Ֆոնսեկան հայտարարել է, որ ակումբը մտադիր է թիմում պահել վարձակալությամբ հանդես եկող Մխիթարյանին և Սմոլինգին
Նա նշել է, որ մարզչական խորհրդի որոշումն ապօրինի է և ոչ պրոֆեսիոնալ
10 լավագույն մարզիկը 5 մլն-ական դրամով կպարգևատրվեն