Իսպանիայում կարտաշիրիմեն Դալիի աճյունը. Հայրության թեստ են անցկացնելու

PanARMENIAN.Net - Իսպանիայի մայրաքաղաքի դատարանը որոշել է 1989-ին կյանքից հեռացած հայտնի նկարիչ Սալվադոր Դալիի աճյունի արտաշիրիմում անցկացնել՝ հայրության թեստի վերաբերյալ հայցը բավարարելով:

Դա կապված է հայրության կենսաբանական թեստ անցկացնելու անհրաժեշտության հետ: 59-ամյա բախտագուշակ Պիլար Աբելը պահանջել է իրեն նկարչի դուստրը ճանաչել, հայտնում է ՏԱՍՍ-ը EFE-ի վրա հղումով: Կինը դատական գործը բացել էր դեռ 2015-ի մարտին: Նա պնդում է, որ իր մայրը՝ Անտոնիա Մարտինես դե Արոն, 1955-ին սիրային կապի մեջ է եղել Դալիի հետ՝ բնակվելով գյուղում, որտեղ հարևանների երեխաների դայակն էր:

Սալվադոր Դալին գեղանկարիչ է, քանդակագործ, ռեժիսոր, գրող և սյուրռեալիզմի հիմնադիրներից։ Դալին աջակցել և մասնակցել է սյուրռեալիզմի զարգացմանը, և մեծ գովազդ է արել այդ ոճը, ինչևէ ոճի առաջնորդները հետագայում նրան մեղադրել են չափազանց շահամոլ լինելու մեջ։ Դալիի այս ժամանակաընթացքի նկարները արտացոլում են՝ տեսիլքային կերպարներն ու ամենօրյա առարկաները, անսպասելի կառուցվածքների տեսքով, ինչպիսին են, օրինակ նրա հայտնի փափուկ ժամացույցները «Հիշողության կայունություն» նկարում։

Դալիի նկարները բնորոշվում են իրենց մանր գծանկարով և իրատեսական մանրամասնություններով և անշուշտ անբասիր գույներով, որոնք ևս շեշտվում են թափանցիկ ջնարակումով։ Դալին նաև նկարահանել է սյուրռեալիստական ֆիլմեր, տպագրել նկարազարդված գրքեր, զբաղվել է նաև ոսկերչությամբ, պատրաստել թատրոնային բեմեր և հագուստներ։