Միջազգային ԶԼՄ-ները Հայաստան-Լեհաստան հանդիպման մասին

Միջազգային ԶԼՄ-ները Հայաստան-Լեհաստան հանդիպման մասին

PanARMENIAN.Net - Հոկտեմբերի 5-ին ֆուտբոլի Հայաստանի հավաքականը 1-6 հաշվով ջախջախիչ պարտություն կրեց լեհական ընտրանու կողմից սեփական հարկի տակ։

Միջազգային ԶԼՄ-ները խաղին անդրադարձներում, մեղմ ասած, տպավորված չէին Հայաստանի հավաքականի ելույթով։ Հիմնական հերոսը հեթթրիք ձևակերպած Լևանդովսկին էր, ով դարձավ Լեհաստանի ընտրանու պատմության լավագույն ռմբարկուն։

«Նույնիսկ ողջ Հայաստանը չէր կարողանա կանգնեցնել Լևանդովսկուն ռեկորդի ճանապարհին», - գրում է DreamTeam FC-ն։

«Հայաստանի հավաքականը հանդիպմանը ծույլ ու անկազմակերպ ներկայացավ ու արագորեն՝ արդեն երկրորդ րոպեին, վճարեց դրա համար», - գրում է ուկրաինական UA-Football-ը։

«Հայաստանի յոթերորդ պարտությունը 9 խաղում թողնում է նրանց նախավերջին հորիզոնականում խմբում՝ Ղազախստանից առաջ, իսկ Լեհաստանը կապահովի անցումը Մունդիալ Մոնտենեգրոյի հանդեպ հաղթանակի հասնելու դեպքում», - գրում է Daily Mail-ը։

«Հայկական թիմն արդեն վաղուց ոչ մի շանս չուներ։ Մրցաշարի սկզբում երեք պարտությունները դուրս թողեցին նրան Աշխարհի գավաթի ընտրական փուլի համար մրցավազքից: Փոքր սփոփանք էր Ղազախստանի ու Մոնտենեգրոյի նկատմամբ տարած 2 հաղթանակը, սակայն, պարզվեց, դրանք պատահականություն էին», - ամփոփում է The Quebec Times-ը։

Հայաստանի հավաքականը 6 միավորով խմբի նախավերջին հորիզոնականում է։ Հոկտեմբերի 8-ին ընտրանին կխաղա խմբի Ղազախստանի հավաքականի հետ։

 Ուշագրավ
Բայրամյանը հավաքականին կմիանա առաջիկա հավաքի ընթացքում`
Նա ասել է, որ հաճույք է ստանում իտալական ֆուտբոլից
Ֆոնսեկան հայտարարել է, որ ակումբը մտադիր է թիմում պահել վարձակալությամբ հանդես եկող Մխիթարյանին և Սմոլինգին
Նա նշել է, որ մարզչական խորհրդի որոշումն ապօրինի է և ոչ պրոֆեսիոնալ