Ջոն Մալկովիչ. Երաժշտությունը համամարդկային ուժ է՝ հատկապես դասականը 9 հոկտեմբերի 2017 - 17:30 AMT PanARMENIAN.Net - Երաժշտությունը համամարդկային ուժ է պարունակում, հատկապես կենդանի և հատկապես դասական երաժշտությունը: Այդ մասին Երևանում հայտարարել է ամերիկացի դերասան, պրոդյուսեր, ռեժիսոր, սցենարիստ Ջոն Մալկովիչը, որը հոկտեմբերի 11-ին կմասնակցի Արամ Խաչատրյանի անվան միջազգային 5-րդ փառատոնի բացմանը։ Փառատոնը մեկնարկելու է Հայաստանի պետական երիտասարդական նվագախմբի հետ Մալկովիչի ելույթով՝ դիրիժոր Սերգեյ Սմբատյանի ղեկավարությամբ, հայտնում է Panorama.am-ը: Համերգին Մալկովիչը կներկայացնի հատված Էռնեստո Սաբատոյի «Հերոսների և գերեզմանների մասին» նովելից՝ 20-րդ դարի 2-րդ կեսի ամենանշանավոր կոմպոզիտորներից մեկի՝ Ալֆրեդ Շնիտկեի դաշնամուրի և նվագախմբի համար գրված կոնցերտի ուղեկցությամբ։ Որպես մենակատար հանդես կգա ճանաչված դաշնակահարուհի Անաստասիա Տերենկովան։
Ջոն Մալկովիչն ասել է, որ այս գործն առաջին անգամ կատարվել է 2015-ին Սեուլում, այնուհետև 2016-ին Բուենոս Այրեսում: «Էռնեստո Սաբատոյի «Հերոսների և գերեզմանների մասին» վեպի մի մասի ադապտացիան եմ օգտագործել տեքստի մեջ: Վեպի այդ հատվածը, որն օգտագործել եմ, կոչվում է «Պատում կույրերի մասին»,- ասել է նա: Ջոն Մալկովիչի խոսքով, դասական երաժիշտների հետ արդեն 8 կատարում ունեցել է, հիանալի ապրումներ են, միշտ մեծ բավականություն է ստանում նրանց հետ աշխատելիս: «Երաժշտությունն իրենով համամարդկային ուժ է պարունակում, հատկապես կենդանի և հատկապես դասական երաժշտությունը»,- ընդգծեց հայտնի արվեստագետը: Անդրադառնալով այն հարցին, թե ինչպես է ընտրում գրական գործերը, ինչպիսին է ամբողջ աշխարհում հետաքրքրությունը գրականության նկատմամբ՝ նա նշել է. «Երբ երաժշտական գործ եմ լսում, պետք է բազմիցս լսեմ, մինչև որոշեմ, որ այդ երաժշտական գործին կարող եմ համակցել տվյալ տեքստը: Տեքստը չի կարող մրցել երաժշտության հետ, պետք է տեքստը սահի, համադրվի, իր տեղը գտնի երաժշտության կողքին, երաժշտության մեջ: Տեքստը երաժշտության հետ զուգակցելը միշտ մարտահրավեր է, բարդ գործ է: Նման գործ կատարելիս՝ ձգտում ես արվեստի երկու ձևը փոխլրացնող դարձնես»: Պատասխանելով հարցին, թե որն է լավ երաժշտության, լավ ֆիլմի, արվեստի լավ գործի հարատևության գրավականը, Մալկովիչն ասել է. «Հարատևում են այն գործերը, որոնք խորությամբ են դիպչում, հասնում մարդուն»: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Սենատի Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր Հյուրերը շրջել են նաև Հայոց ցեղասպանության թանգարանում Թրյուդո․ Պետք է հիշենք և հարգենք Հայոց ցեղասպանության զոհերի հիշատակը Նա նշել է, որ Կանադայում ապրիլը համարվում է Ցեղասպանության, հիշատակի, դատապարտման և կանխարգելման ամիս Թուրքիայի ընդդիմադիր DEM կուսակցությունը ոգեկոչել է Հայոց ցեղասպանության զոհերի հիշատակը Ոգեկոչման ակցիան ուղեկցվել է ցեղասպանության զոհ գնացած հայ մտավորականների լուսանկարների ցուցադրմամբ Սերժ Սարգսյանը՝ ընդդիմության անհաջողության մասին․ Կան ոչ միասնական մոտեցումներ Նա նշել է նաև, որ կա արտաքին սատարում այս իշխանություններին |