MEDICI.TV-ով ուղիղ եթերում կհեռարձակվի Խաչատրյանի 5-րդ փառատոնի փակման համերգը 5 դեկտեմբերի 2017 - 16:02 AMT PanARMENIAN.Net - Խաչատրյանի 5-րդ միջազգային փառատոնի փակման գալա համերգը դեկտեմբերի 11-ին ուղիղ եթերում առցանց կհեռարձակի աշխարհի առաջատար դասական երաժշտական ալիքը՝ MEDICI.TV-ին։ Սա բացառիկ իրադարձություն է ինչպես հայաստանյան երաժշտական կյանքում, այնպես էլ Խաչատրյանի միջազգային փառատոնի և Հայաստանի պետական երիտասարդական նվագախմբի համար։ MEDICI.TV-ն 2008 թվականից ի վեր երաժշտասերներին հնարավորություն է ընձեռում ունկնդիր լինել դասական արվեստի լավագույն կատարումներին։ Դեկտեմբերի 11-ին աշխարհի ամենախստապահանջ ունկնդիրը հնարավորություն կունենա շփվելու հայկական կատարողական և կոմպոզիտորական արվեստի հետ. Հայաստանի պետական երիտասարդական նվագախումբը դիրիժոր Սերգեյ Սմբատյանի ղեկավարությամբ կկատարի Ավետ Տերտերյանի Երրորդ սիմֆոնիան և Արամ Խաչատրյանի Երկրորդ՝ «Զանգերով սիմֆոնիան»: Այս հարթակում հեռարձակվում են աշխարհի լավագույն կոլեկտիվների՝ Բեռլինի ֆիլհարմոնիկ, Լոնդոնի սիմֆոնիկ, Մարիինյան թատրոնի սիմֆոնիկ, Նյու Յորքի ֆիլհարմոնիկ, Royal Concertgebouw և այլ նվագախմբերի, ամենահեղինակավոր համերգասրահների, փառատոների ու մրցույթների համերգները։ MEDICI.TV-ն ունի դասական երաժշտության աշխարհում ամենամեծ գրադարանը։ Այստեղ պահվում է մոտ 18000 ծրագիր (3000 բնօրինակ աշխատանքներ), այդ թվում՝ համերգներ, բալետներ, օպերաներ և այլն։ MEDICI.TV hեռուստաընկերությունն ունի հստակ չափանիշներ, և խաչատրյանական փառատոնի կազմակերպչական խումբը կարողացել է բավարարել բոլոր այդ պահանջները։ Ընդ որում, տարածաշրջանում առաջինը հենց Հայաստանն ու Խաչատրյանի փառատոնն են, որ ներկայանալու են նման մեծ լսարանի առջև։ MEDICI.TV-ին մշտական հետևողները 500000-ից ավելին են: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Փոխվարչապետը շեշտել է ՎԶԵԲ-ի դերը ԵՄ տնտեսական և ներդրումային պլանի իրականացման գործընթացում Գրիգորյանը նշել է, որ ՎԶԵԲ-ը Հայաստանի համար առանցքային գործընկեր է Շոլց․ ՀՀ և Ադրբեջանի միջև կարգավորման շանսերը բարձր են ավելի, քան երբևէ Նա նշել է, որ հակամարտությունը պետք է կարգավորվի խաղաղ ճանապարհով Առաջարկ. Մեքենայի գույքահարկը տեխզննման պահին վճարել մասնակի Օրենքն ուժի մեջ կմտնի 2025 թվականի հունվարի 1-ից Պետել․ ԼՂ–ում հայկական ներկայության բոլոր հետքերը ջնջելն Ալիևի վարչակարգի նախագիծն է «Ադրբեջանցիներն այժմ գրոհում են կառավարության շենքը»,- գրել է նա |