ՀՀ-ն իր օրգանական բնամթերքն է ներկայացրել Դուբայում13 դեկտեմբերի 2017 - 17:27 AMT PanARMENIAN.Net - Առաջին անգամ 12 հայաստանյան ընկերություն ORGANIC ARMENIA («ՕՐԳԱՆԱԿԱՆ Հայաստան») համատեղ տաղավարով ներկայացրել է իր հավաստագրված օրգանական և բնական արտադրանքը Դուբայում կազմակերպվող Organic & Natural Expo Middle East ցուցահանդեսին: Ցուցահանդեսը անցկավում է դեկտեմբերի 11-13-ը, այն իր տեսակով միակն է Մերձավոր Արևելքի և Հյուսիսային Աֆրիկայի տարածաշրջանում: Մասնակցությունը հնարավոր դարձավ շնորհիվ Օրգանական գյուղատնտեսության աջակցության նախաձեռնություն (ՕԳԱՆ) ծրագրի, որը ֆինանսավորվում է Եվրոպական միության և համաֆինանսավորվում ու իրականացվում է Ավստրիական զարգացման գործակալության (ԱԶԳ) կողմից, ՀՀ գյուղատնտեսության նախարարության և ՓՄՁ ԶԱԿ-ի հետ սերտ համագործակցությամբ: Իրենց օրգանական արտադրանքի մատակարարման շղթաները և հարակից առևտրային հոսքերը ընդլայնելու նպատակով ՕԳԱՆ ծրագիրը աջակցում է արտադրողներին հաստատել գործնական կապեր և գտնել արտահանման շուկաներ: Հայաստանի համար սա եզակի առիթ է Մերձավոր Արևելքի շուկայում ներկայացնելու, բնական և օրգանական (Էկո, Բիո) մակնշումներով սերտիֆիկացված իր լավագույն գյուղատնտեսական արտադրանքը և ցուցադրելու հայկական բնության հարստությունները, այն է՝ մեղրի, չորացրած մրգերի, խոտաբույսերի և հյութերի բազմազանությունը: Օրգանական գյուղատնտեսության ոլորտը հայաստանյան արտադրողների համար նոր հնարավորություններ է ստեղծում մրցակցելու իր բարձրարժեք արտադրանքի որակով, այլ ոչ թե քանակով, ասվում է Օրգանական գյուղատնտեսության աջակցության նախաձեռնության հաղորդագրության մեջ: «ՕՐԳԱՆԱԿԱՆ Հայաստան» թիմը բաղկացած է 12 ցուցադրող և 5 այցելու կազմակերպություններից ու արտադրողներից: ՕԳԱՆ եռամյա ծրագիրը, որի նպատակը Հայաստանում օրգանական գյուղատնտեսությունը խթանելն է, մեկնարկել է 2015թ. սեպտեմբերին: Ծրագիրը ֆինանսավորվում է Եվրոպական միության կողմից և համաֆինանսավորվում ու իրականացվում է Ավստրիական զարգացման գործակալության (ԱԶԳ) կողմից, ՀՀ գյուղատնտեսության նախարարության հետ սերտ համագործակցությամբ: Ծրագրի ընդհանուր բյուջեն կազմում է 3.3 միլիոն եվրո: Ծրագիրը խրախուսում է հայ ֆերմերներին զբաղվել օրգանական մթերքի արտադրությամբ, ստանալ հավաստագիր, ինչպես նաև տրամադրում է մարքեթինգի անմիջական աջակցություն և ապրանքների առաջմղման համար օգնում է ստեղծել համապատասխան կապեր ինչպես հայկական, այնպես էլ եվրոպական և այլ միջազգային ընկերությունների հետ: ԵՄ օգնությունը Հայաստանին 1992թ. ի վեր կազմում է ավելի քան 500 մլն եվրո և տարիների ընթացքում ամենամյա այդ աջակցությունն աստիճանաբար աճում է: 2011թ-ից սկսած Հայաստանը Ավստրիական զարգացման համագործակցության (ԱԶՀ) թիրախային երկրներից է, որի հիմնական ուղղություններից է գյուղատնտեսության զարգացումը: Հայաստանի Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Շվեյցարացի պատգամավոր․ Սահմանային հարցերը պետք է լուծել, որ Բաքվի կողմից հարձակվելու պատրվակ չդառնան «Խավիարային դիվանագիտությունն» այժմ ճանաչված տերմին է, ցավոք, դա հաջողվում է»,–ասել է նա Փաշինյան․ Ժամանակն է Բաքվի հետ ձեռք բերված համաձայնությունները ներառել խաղաղության պայմանագրում և ստորագրել Նա անդրադարձել է նաև հայկական «Խաղաղության խաչմերուկ» նախագծին ՊՆ․ ԳՇ պետ Ասրյանը բացառապես ՀՀ քաղաքացի է, իսկ նրա կինը՝ ազգությամբ ռուս Նշվում է նաև, որ ԳՇ պետի որդին զինապարտ է և ներգրավված է ՀՀ ԶՈւ 2024 թվականի զորակոչային միջոցառումներին Երևանում բոլոր 63 բերման ենթարկվածներն ազատ են արձակվել Բերման էր ենթարկվել 63 ցուցարար |