// IP Marketing video - START// IP Marketing video - END

Ադրբեջանում ՌԴ երիտասարդ գիտնական է անետացել. Նա հայտնվել էր զորամասի տարածքում

Ադրբեջանում ՌԴ երիտասարդ գիտնական է անետացել. Նա հայտնվել էր զորամասի տարածքում

PanARMENIAN.Net - Ադրբեջանում անհետացել է ՌԴ քաղաքացի, ՌԳԱ Աստղագիտության ինստիտուտի աշխատակից Դմիտրի Չուլկովը: Այդ մասին հայտնել են երիտասարդ գիտնականի ընկերները:

Չուլկովը հունվարի 3-ին ժամանել է Գյանջա և իջևանել մասնավոր հյուրանոցում: Ըստ տան տիրոջ, հունվարի 5-ին նա շարժվել է դեպի Գյոյգյոլ լիճը՝ ուսումնասիրելու նպատակով: Չուլկովը չի հետևել տաքսիից օգտվելու խորհրդին, գնացել է ոտքով և այլևս չի վերադարձել, գրում է Gazeta.ru-ն:

Դեպի լիճ տանող ճանապարհին զորամաս է տեղակայված, որի տարածքում է, հավանաբար, հայտնվել Չուլկովը: Որոշ ժամանակ անց հյուրանոց են եկել ԱԾ աշխատակիցներ, խուզարկել են նրա սենյակն ու առգրավել իրերը:

Հունվարի 9-ին զինվորականները հայտնել են տան տիրոջը, որը ազատ են արձակել Չուլկովին, սակայն վերջինս այդպես էլ չի հայտնվել հյուրանոցում, դուրս չի եկել համացանց և չի պատասխանում հեռախոսազանգերին:

Չուլկովը պետք է մեկներ Ադրբեջանից հունվարի 10-ին, սակայն ավիաընկերությունում հայտնել են, որ նա ինքնաթիռ չի նստել:

Այժմ երիտասարդին որոնում են նրա գործընկերներն ու հարազատները:

 Ուշագրավ
Ալիևը հավելել է, որ բանակի համար արվում է «այն ամենն, ինչ անհրաժեշտ է»
Ադրբեջանում աշխատունակ 4,6 մլն բնակչության միայն 32%-ը մասնագիտություն ունի
ՌԴ նախագահ Վլադիմիր Պուտինը դեկտեմբերի 11-ի վաղ առավոտյան ժամանել է Սիրիայի Հմեյմիմում գտնվող ռուսական ռազմակայան
Զոհերի թիվը կարող է աճել, քանի որ փլատակների տակ դեռ մարդիկ կան