Ինչպես են պետական գերատեսչությունները հակասում միմյանց գնաճի հարցում23 հունվարի 2018 - 16:09 AMT PanARMENIAN.Net - Հունվարի 23-ին ԱԺ-ում թանկացումների վերաբերյալ լսումների ընթացքում Հայաստանի տնտեսական մրցակցության պաշտպանության պետական հանձնաժողովի նախագահ Արտակ Շաբոյանը հայտարարել է, որ բենզինի, գազի և դիզելային վառելիքի թանկացումը հիմնականում պայմանավորված է հարկային փոփոխություններով։ Նույն օրը, նույն լսումների ընթացքում ՀՀ կառավարությանն առընթեր պետական եկամուտների կոմիտեի նախագահի տեղակալ Վարդան Միրումյանը, հակասելով Շաբոյանին, ասել էր, որ բենզինի ակցիզային հարկի ավելացումը ընդհանուր գանճի վրա ազդել է ընդամենը 0,02%- ով: ՀՀ գյուղատնտեսության նախարար Իգնատի Առաքելյանը խորհրդարանական լսումներին հայտարարել է, որ դիզվառելիքի գնաճը էական ազդեցություն է ունենալու ցորենի գնի վրա: Նա մտահոգություն է հայտնել, որ թանկացումների թիրախում առաջին հերթին գյուղատնտեսությունն է: ՊԵԿ փոխնարար Միրումյանը, սակայն, վստահեցրել է, որ հարկային փոփոխությունների հետևանքով թանկացած բենզինը, գազն ու դիզելը շղթայական թանկացումների պատճառ չեն դառնալու: 2018 թվականի հունվարի 1-ից ուժի մեջ մտած հարկային նոր օրենսգիրքը բենզինի, դիզվառելիքի, սեղմված գազի համար սահամանել է ակցիզային հարկի նոր դրույքաչափեր, ինչը հանգեցրել է նշված ապրանքների թանկացմանը: Ավելի վաղ, գրաֆիկով ներկայացրել էինք դիզվառելիքի, սեղմված գազի և բենզինի համար ակցիզային հարկի նախկին և գորոծող դրույքաչափերը, ինչպես նաև դրանց՝ 2017 թվականի դեկտեմբերի և 2018 թվականի հունվարի սակագները: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին» Նամակի բովանդակությունը հայտնի չէ Փաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նա ՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում են ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |