Վենգերը՝ Մխիթարյանի և Օբամեյանգի մասին. Այս տղաները բարձրակարգ ֆուտբոլիստներ են

Վենգերը՝ Մխիթարյանի և Օբամեյանգի մասին. Այս տղաները բարձրակարգ ֆուտբոլիստներ են

PanARMENIAN.Net - Լոնդոնի «Արսենալի» գլխավոր մարզիչ Արսեն Վենգերը բարձր է գնահատել վերջերս «Մանչեսթեր Յունայթեդից» իր ակումբ տեղափոխված Հայաստանի ազգային հավաքականի կիսպաշտպան Հենրիխ Մխիթարյանիխաղը: Այս մասին գրում է բրիտանական Mirror պարբերականը:

«Նա շատ պրոֆեսիոնալ է մարզումների և խաղերի ընթացքում»,- ասել է ֆրանսիացի մարզիչը՝ «Արսենալ»-«Տոտենհեմ» խաղին ընդառաջ:

Ըստ Վենգերի, խաղի սկսվելուն պես Մխիթարյանը, ինչպես նաև «Բորուսիայից» «Արսենալ» տեղափոխված Պիեր Էմերիկ Օբամեյանգը բարձրակարգ խաղ են ցուցադրել:

«Նրանք գիտեն՝ ինչն է կարևոր, և կենտրոնանում են իրենց խաղի վրա: Այս տղաները բարձրակարգ ֆուտբոլիստներ են»,- ասել է Վենգերը:

«Արսենալ»-«Տոտենհեմ» խաղը կկայանա փետրվարի 10-ին, տեղական ժամանակով 16:30-ին:

Հենրիխ Մխիթարյանը «Արսենալ»-«Էվերթոն» խաղի առաջին խաղակեսում 2 գոլային փոխանցում է կատարել, նպաստելով առաջին ու 4-րդ գոլերին, որոնք խփեցին Աարոն Ռեմսին ու Պիեր Էմերիկ Օբամեյանգը։ Երկրորդ խաղակեսում «Էվերթոնը» կրճատեց հաշվի տարբերությունը, սակայն 74-րդ րոպեին Մխիթարյանի հերթական փոխանցումից հետո Ռեմսին խփեց իր երրորդ գնդակը՝ հաշիվը 5:1 դարձնելով։

 Ուշագրավ
Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը
Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը
Հավանայում կայացել է Ծանրամարտի միջազգային ֆեդերացիայի նիստը
---