ՀՀ թանգարանները միասնական էլեկտրոնային տոմսային համակարգ կունենան

ՀՀ թանգարանները միասնական էլեկտրոնային տոմսային համակարգ կունենան

PanARMENIAN.Net - Հայաստանի թանգարանները միասնական էլեկտրոնային տոմսային համակարգ են ունենալու: ՀՀ Կառավարության տեղեկատվության և հասարակայնության հետ կապերի վարչության փոխանցմամբ, այս մասին վարաչապետ Կարեն Կարապետյանի հետ հանդիպմանն ասել է մշակույթի նախարար Արմեն Ամիրյանը:

Նա տեղեկացրել է, որ համակարգը նախատեսում են 3 ամսից ներդնել Երևանում, իսկ 7 ամսից՝ ամբողջ հանրապետությունում:

Ամփոփելով 2017-ին մշակույթի ոլորտի կարևոր իրադարձությունները՝ նախարարը հայտնել է, որ Հայաստանի ազգային պատկերասրահում Հովհաննես Այվազովսկու 200-ամյակին նվիրված «Արարում» խորագրով ցուցահանդեսը այցելությունների ռեկորդային թիվ է գրանցել՝ 46.207 այցելու. մեկ ամսում պատկերասրահի եկամուտը կազմել է մոտ 15 մլն դրամ:

Նախորդ տարում ոլորտում իրականացվել է մոտ $2,8 մլն-ի ներդրում. մասնավոր ներդրումը կազմել է $2,6, պետական համաֆինանսավորումը՝ մոտ $103.000:

Սահմանամերձ 13 համայնքում ստեղծվել է 13 կենտրոն, որտեղ մոտ 350 երեխա անվճար հիմունքներով ներգրավված է արվեստի տարբեր ճյուղերի խմբակներում:

 Ուշագրավ
Տիգրան Ավինյանն ու Գրեգորի Դուսեն այցելել են պատմական թաղամաս
Snap-ը պլատինե երգի կարգավիճակ է ստացել նաև մի քանի այլ երկրներում
Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․
Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով
---