// IP Marketing video - START// IP Marketing video - END

Մասկի Tesla-ն տիեզերքում կարող է ոչնչանալ փոքր երկնաքարերի հետ բախումներից

Մասկի Tesla-ն տիեզերքում կարող է ոչնչանալ փոքր երկնաքարերի հետ բախումներից

PanARMENIAN.Net - Tesla Roadster ավտոմեքենան, որը տիեզերք է ուղարկվել Falcon Heavy հրթիռով, կոչնչանա միկրոերկնաքարերի հետ բախումների և տիեզերական ճառագայթման հետևանքով:

Ըստ փորձագետների, բոլոր օրգանական նյութերը, որոնք օգտագործվել են մեքենայի տարբեր մասերի պատրաստման համար, տիեզերքում կքայքայվեն կոշտ ճառագայթման պատճառով, գրում է Lenta.ru-ն AutoBlog-ի վրա հղումով:

Արևի ուլտրամանուշակագույն ճառագայթումը նպաստում է ածխածին-ածխածնային կապերի, ինչպես նաև ածխածնի և ջրածնի միջև կովալենտ կապերի քայքայմանը:

Կվնասվի ավտոմեքենայի կարկասն ածխածնային հյուսվածքից և, ի վերջո, Tesla Roadster մասերի կբաժանվի: Ըստ մասնագետների, դա տեղի կունենա 1 տարվա ընթացքում:

Ավելի դիմացկուն կլինեն ոչ օրգանական մասերը, օրինակ, ալյումինե շասին, լիթիումաիոնային մարտկոցը և դիմապակին: Սակայն այդ մասերը կարող են տուժել տիեզերական մարմինների՝ մանր երկնաքարերի կամ գիսավորների մասերի հետ բախումից:

Իլոն Մասկի SpaceX ընկերությունն ԱՄՆ Ֆլորիդա նահանգի արևելյան ափից արձակել է աշխարհի ամենահզոր Falcon Heavy հրթիռը: Այս մասին հայտնում է բրիտանական The Guardian-ը: Հրթիռը կրել է Իլոն Մասկի Tesla Roadster էլեկտրական մեքենան, որը պետք է մինչև Մարս հասնի: Այս առիթով Մասկին իր թվիթերյան միկրոբլոգում շնորհավորել է ԱՄՆ նախագահ Դոնալդ Թրամփը:

Ավելի վաղ, SpaceX ընկերության տիեզերք արձակած Zuma գերգաղտնի արբանյակը հունվարի 8-ին չէր հասել ուղեծիր ու ընկել էր օվկիանոսը:

 Ուշագրավ
2007-ին Իսրայելն ու Ադրբեջանը $1,6 մլրդ-ի զենքի պայմանագիր են կնքել
Սպասվում է, որ դրանք պաշտոնապես կներկայացվեն հունիսի 26-ին
Քննարկումը կայանալու էր հունիսի 12-ին, սակայն Իսրայելի օրենսդիր մարմինը տեղափոխեց քննարկումը