// IP Marketing video - START// IP Marketing video - END

Մխիթարյանն Օզիլին լավագույնն է համարում աշխարհում իր դիրքում

Մխիթարյանն Օզիլին լավագույնն է համարում աշխարհում իր դիրքում

PanARMENIAN.Net - Լոնդոնի «Արսենալի» և Հայաստանի ազգային հավաքականի կիսապաշտպան Հենրիխ Մխիթարյանն ասել է, որ «զինագործների» ակումբում իր խաղընկեր Մեսութ Օզիլն աշխարհի լավագույն ֆուտբոլիստն է իր դիրքում: Այս մասին գրում է բրիտանական Express-ը:

Մխիթարյանը նշել է, որ նա շատ ոգևորված էր Օզիլի հետ նույն ակումբում խաղալու հեռանկարով:

«Բոլորը գիտեն, որ Մեսութը լավագույններից է աշխարհում: Մեծ երջանկություն է խաղալ նրա հետ, քանի որ շատ լավ է հասկանում խաղը, ունի լավ տեխնիկա և լավագույնն է իր դիրքում»,- ասել է Մխիթարյանը :

Մխիթարյանի տեղափոխումը «Մանչեսթեր Յունայթեդից» «Արսենալ» պաշտոնապես հաստատվել է հունվարի 22-ին: Հակառակ տեղափոխությունն է արել Ալեքսիս Սանչեսը: Հայաստանի հավաքականի կիսապաշտպան Հենրիխ Մխիթարյանը Լոնդոնի ակումբի կազմում շաբաթական £200.000 կստանա:

 Ուշագրավ
Մխիթարյանի գոլը 86-րդ րոպեին փրկել է «Արսենալին» վերջին 16 խաղում առաջին պարտությունից
Աղյուսակը գլխավորում է Բելգիան
Մ-19 և Մ-17 հավաքականներում խզվել են պայմանագրերն արգենտինացի բոլոր մարզիչների հետ
«Ես գիտեի, որ ավելի արագաշարժ եմ: Նա ինձ ոչ մի բանով չզարմացրեց»,-ասել է Մուսասին մենամարտից հետո