ՌԴ ԱԳՆ․ ԱՄՆ ավիահարվածից ՌԴ և ԱՊՀ տասնյակ քաղաքացիներ են տուժել

ՌԴ ԱԳՆ․ ԱՄՆ ավիահարվածից ՌԴ և ԱՊՀ տասնյակ քաղաքացիներ են տուժել

PanARMENIAN.Net - Վերջերս Սիրիայում մարտական բախման ժամանակ տուժել են ՌԴ և ԱՊՀ երկրների տասնյակ քաղաքացիներ, կան նաև զոհվածներ, սակայն նրանք ՌԴ զինծառայողներ չէին: Այդ մասին հայտարարել է ՌԴ ԱԳՆ-ն:

ԶԼՄ-ներում և սոցցանցերում քննարկվում է Սիրիայում միջազգային կոալիցիայի ավիահարվածից զոհված ռուս պայմանագրայինների թիվը, որոնք գործել են մասնավոր կազմակերպության կազմում: Փետրվարի 15-ին ՌԴ ԱԳՆ պաշտոնական ներկայացուցիչ Մարիա Զախարովան առաջին անգամ խոստովանեց ռուս վարձկանների սպանության փաստը Սիրիայում, անվանելով 5 մարդու անուն:

«Սիրիայում վերջերս տեղի ունեցած մարտական բախման ժամանակ, որին ՌԴ զինծառայողներ չեն մասնակցել և չեն կիրառվել հաստիքային տեխնիկական միջոցներ, կան զոհված ՌԴ և ԱՊՀ քաղաքացիներ: Այդ մասին արդեն ասվել է: Կան նաև վիրավորներ, նրանց թիվը հասնում է մի քանի տասնյակի: Նրանց աջակցություն է ցուցաբերվել Ռուսաստան վերադառնալու գործում և այժմ, որքան մեզ հայտնի է, նրանք բուժում են անցնում տարբեր բուժհաստատություններում»,-ասվում է ՌԴ ԱԳՆ հայտարարության մեջ:

Ավելի վաղ հայտնի դարձավ, որ մասնավոր զինվորական «Վագներ» ըկերությունից ռուս վարձկանը պատմել է, որ Սիրիայի Դեր Զորում միջազգային կոալիցիայի ավիահարվածի հետևանքով փետրվարի 7-ին ՌԴ և Ուկրաինայի 50 քաղաքացի է զոհվել, գրել է «Վեդոմոստին»: Ըստ պարբերականի զրուցակցի, հարվածից անմիջապես հետո հայտնի էր 23 զոհի, իսկ մի քանի օր անց՝ 50 զոհվածի մասին: Վիրավորվել է 70 մարդ:

Ընթերցեք նաև. Արյուն և ավազ (վիդեո).Ինչ պատահեց «Վագներ ՄԶԿ»-ին Դեր Զորի մատույցներում

 Ուշագրավ
Նրանք Չինաստանի քաղաքացիներ են
Այժմ վարակվածների թիվը հասել է 5999-ի, ևս 9239-ի մոտ կասկածվում է հիվանդությունը, 132 մարդ մահացել է, 104-ը՝ բուժվել
Գիտնականներն ասում են, որ Համաշխարհային օվկիանոսի տաքացումը վկայում է կլիմայի փոփոխության արագանալու մասին
Ավելի վաղ արքայազն Հարիին և նրա կինը հայտնել էին, որ մտադիր են ֆինանսական ինքնուրույնության հասնել առանց թագավորական արտոնությունների