// IP Marketing video - START// IP Marketing video - END

Վենգեր. Մխիթարյանը շատ արագ է մերվում

Վենգեր. Մխիթարյանը շատ արագ է մերվում

PanARMENIAN.Net - Լոնդոնի «Արսենալի» գլխավոր մարզիչ Արսեն Վենգերի համար անակնկալ չէր այն, որ Հայաստանի ազգային հավաքականի և «զինագործների» կիսապաշտպան Հենրիխ Մխիթարյանն արագ հարմարվեց իր նոր ակումբին: Այս մասին գրում է բրիտանական Metro-ն:

«Այո, նա մերվում է շատ արագ: Կարծում ենք, սա այն ոճն է, որը սազում է նրան: Նա շատ լավ է ընդունվել և լավ է հարմարվել: Սա այն էր, ինչ ես սպասում էի նրանից»,- ասել է ֆրանսիացի մարզիչը:

Աղբյուրը նշում է, որ հայ ֆուտբոլիստը 18 բարդ ամիս է անցկացրել անգլիական «Մանչեսթեր Յունայթեդի» գլխավոր մարզիչ Ժոզե Մոուրինյոյի ենթակայության ներքո:

«Մինչ ՄՅՈւ տեղափոխված չիլիացի հաձակվող Ալեքսիս Սանչեսն ակումբում անցկացրած իր 10 հանդիպումից միայն մեկում է արդյունք տվել, Մխիթարյանը բարգավաճում է հարձակողական ոճ ունեցող «Արսենալում»», - նշում է աղբյուրը:

Մարտի 11-ին Անգլիայի Պրեմիեր լիգայի 30-րդ տուրում Լոնդոնի «Արսենալը» տնային խաղում 3-0 հաշվով հաղթել էր «Ուոթֆորդին»: 59-րդ րոպեին` Մխիթարյանի փոխացնումից հետո, Պիեր Էմերիկ Օբամեյանգը կրկնապատկել է հաշիվը: 77-րդ րոպեին Մխիթարյանը դարձրել է հաշիվը 3-0:

Ավելի վաղ հայտնել էինք, որ Լոնդոնի «Արսենալի» և Հայաստանի ազգային հավաքականի կիսապաշտպան Հենրիխ Մխիթարյանը ճանաչվել է «Արսենալ»-«Ուոթֆորդ» հանդիպման լավագույն ֆուտբոլիստ:

 Ուշագրավ
Մխիթարյանը հուսով է, որ «Արսենալը» կվերադառնա Չեմպիոնների լիգա
Հայ ֆուտբոլիստի օգտին է քվեարկել երկրպագուների 61 տոկոսը
Իր հերթին «Արսենալի» գլխավոր մարզիչ Ունաի Էմերին հույս է հայտնել, որ Մխիթարյանը կկարողան մասնակցել ադրբեջանական ակումբի հետ խաղին
Կարուանան, Կարլսենն ու Արոնյանը հավաքել են 5,5-ական միավոր