// IP Marketing video - START// IP Marketing video - END

Զինծառայողները հիփոթեք կվերցնեն 5%-ով

Զինծառայողները հիփոթեք կվերցնեն 5%-ով

PanARMENIAN.Net - «Մատչելի բնակարան զինծառայողներին» պետական աջակցության ծրագրի շրջանակում զինծառայողների համար բնակարան գնելու նպատակով երկարաժամկետ հիփոթեքային վարկավորման արտոնյալ պայմաններ կստեղծվեն: Համապատասխան որոշման նախագիծը տեղադրված է իրավական ակտերի նախագծերի հրապարակման միասնական կայքում:

Նախագծի համաձայն՝ զինծառայողները կարող են ինչպես անմիջապես կառուցապատողից, այնպես էլ մարզերում երկրորդական շուկայից բնակարաններ կամ բնակելի տներ գնել կամ բնակելի տուն կառուցելու նպատակով օգտվել 20 տարի ժամկետով հիփոթեքային արտոնյալ վարկավորման ծրագրից առավելագույնը 9% տարեկան տոկոսադրույքով: Տոկոսադրույքի 4%-ը կսուբսիդավորի պետությունը, մյուս 5%-ը կվճարվի օրենքով սահմանված եկամտային հարկի հետ վերադարձման միջոցով:

Նշվում է նաև, որ պետության կողմից բնակարանի արժեքի 10% կանխավճար կտվի: Նախագծով կարգավորվում են նաև պետության և կառուցապատողի միջև հարաբերությունները: Պետության անունից հանդես գալու իրավասությունը վերապահվում է ՀՀ պաշտպանության նախարարությանը:

 Ուշագրավ
Արդեն իսկ տրամադրվել է 14,231 վարկ՝ 4.258 մլրդ դրամ ընդհանուր ծավալով
ԱԱԾ-ն պատրաստակամ է ապահովելու Էլվին Արիֆ օղլու Իբրահիմովի շփումը վերջինիս ընտանիքի անդամների հետ
Նա հաջողություն է մաղթել քաղաքապետարանին Օպերայի հակարից տարածքների բարեկարգման ընթացքում
Նախագիծը շրջանառության մեջ է դրվել ՀՀ արդարադատության նախարարության կողմից