Բրազիլիայի նախկին նախագահը կամավոր չի ներկայացել ոստիկանություն

PanARMENIAN.Net - Բրազիլիայի նախկին նախագահ Լուիս Ինասիու Լուլա դա Սիլվան կամավոր չի ներկայացել ոստիկանություն, ինչպես պահանջվում էր դատարանի որոշմամբ: Ներկայանալու ժամկետը սպառվել է ապրիլի 6-ի երեկոյան:

Ապրիլի 5-ին Բրազիլիայի Գերագույն դատարանը մերժեց Լուլայի բողոքարկումը և հավանություն տվեց նրան ձերբակալելու որոշմանը:

Ինչպես հայտարարել են ոստիկանության ներկայացուցիչները, Դա Սիլվան չի փորձել փախչել: 72-ամյա քաղաքական գործիչը Սան Պաուլուի մետալուրգիական արդյունաբերության աշխատակիցների արհմիության շենքում էր, որի առջև նրա հազարավոր կողմնակիցներ էին հավաքվել, գրում է Deutsche Welle-ն:

Բրազիլիայի նախկին նախագահը փորձում է որքան հնարավոր է հետաձգել իր 12-ամյա ազատազրկումը, որը դատարանը սահմանել է նրա համար կոռուպցիայի դեմ մեղադրանքով: Նրա փաստաբանները դիմել են Գերագույն դատարան՝ ձերբակալության արտոնությունը ժամանակավորապես հետաձգելու խնդրանքով: Նրանք դիմել են նաև ՄԱԿ Մարդու իրավունքների կոմիտե՝ հայտարարելով, որ դիմումը վարույթ է ընդունվել:

Բրազիլիայում տևական ճգնաժամ է կապված մեծ կոռուպցիոն հետաքննության հետ, որի հետևանքով պաշտոնից զրկվեց Դա Սիլվայի հետնորդը՝ 68-ամյա Դիլմա Ռուսեֆը: Նրանից հետո երդում տվեց որպես նախագահ փոխնախագահ Միշել Տեմերը, սակայն նրա դեմ ևս հետաքննություն էր ընթանում: 2017-ի հոկտեմբերին Գերագույն դատարանը մերժեց Տեմերի դեմ մեղադրանքները, սակայն նրա վարկանիշն այժմ միայն 5 տոկոսի է հասնում: