Լոնդոնում ոգեկոչել են Հայոց ցեղասպանության զոհերի հիշատակը

Լոնդոնում ոգեկոչել են Հայոց ցեղասպանության զոհերի հիշատակը

PanARMENIAN.Net - Հայոց ցեղասպանության 103-րդ տարելիցին նվիրված միջոցառումների շրջանակում ապրիլի 21-ինբրիտանահայ համայնքի կողմից ավանդական երթ է կազմակերպվել Լոնդոնի կենտրոնում:

Բազմամարդ երթի մասնակցիները Հայդ Պարկի անկյունից Պիկադիլի փողոցով ուղևորվել են դեպի «Ուայթհոլ» կառավարական շրջանում տեղակայված «Փառապանծ զոհերի» հուշարձան, որտեղ ՀՀ դեսպանության ներկայացուցիչները, Հայաստանյայց առաքելական Սրբ․ եկեղեցու Մեծ Բրիտանիայի թեմի առաջնորդը, հայ համայնքային կառույցների ղեկավարությունը և ներկայացուցիչները ծաղկեպսակներ տեղադրեցին ի հիշատակ Հայոց ցեղասպանության զոհերի:

Ապրիլի 23-ին Լոնդոնի Սուրբ Եղիշե եկեղեցու սրահում տեղի ունեցավ Հայոց ցեղասպանության զոհերի հիշատակին նվիրված միջոցառում, որը կազմակերպվել էր Միացյալ Թագավորությունում Հայ համայնքային խորհրդի կողմից՝ ՄԹ–ում ՀՀ դեսպանության և Հայաստանյայց առաքելական եկեղեցու ՄԹ թեմի հովանավորությամբ, հայտնում է ԱԳՆ մամուլի ծառայությունը։

Երեկոյի ընթացքում ներկաներին ուղղված իր խոսքում ՀՀ գործերի ժամանակավոր հավատարմատար Արմեն Լիլոյանը շեշտել է ուժեղ Հայրենիքի կերտման կարևորությունը Հայոց ցեղասպանության միջազգային ճանաչման ու դատապարտման գործընթացի համատեքստում:

Տարբեր ներկայացումներով և ստեղծագործությունների կատարմամբ հանդես են եկել Լոնդոնի շաբաթօրյա և Գևորգ Թահթա կիրակնօրյա դպրոցների սաները: Երաժշտական ստեծագործությունների կատարմամբ հանդես եկավ երգչուհի Անաիս Հեղոյանը:

 Ուշագրավ
Դերասանը հայտնի է Կլոդ Զիզիի «Հրեշը», Ֆրանսիս Վեբերի «Խաղալիքը», Կլոդ Լելուշի «Տղամարդը և կինը. 20 տարի անց» ֆիլմերում երկրորդ պլանի դերերով
Ծրագրի 88%-ը կիրականացվի Միացյալ Նահանգներում, իսկ 12%-ը` Ադրբեջանում
Երկրի Կենտրոնական ընտրական հանձնաժողովի տվյալներով, կուսակցությունը հավաքել է ձայների 42%-ը