// IP Marketing video - START// IP Marketing video - END

Վրաստանի վարչապետ Կվիրիկաշվիլին հրաժարական է տվել

Վրաստանի վարչապետ Կվիրիկաշվիլին հրաժարական է տվել

PanARMENIAN.Net - Վրաստանի վարչապետ Գեորգի Կվիրիկաշվիլին հրաժարական է տվել: Այս մասին նա հայտնել է լրագրողներին:

Կվիրիկաշվիլին զբաղեցնում է Վրաստանի վարչապետի պաշտոնը 2015 թ.-ից:

«Ես տրամադրություն եմ տեսնում թիմում և որոշում եմ կայացնում, ինչպես ցանկացած ղեկավար. այսօր ես հեռանում եմ պաշտոնից»,– ասել է Կվիրիկաշվիլին, հայտնում է Sputnik-Վրաստանը:

Հունիսի 12-ին կայացել է իշխող «Վրացական երազանք – ժողովրդավարական Վրաստան» կուսակցության պատգամավորների հանդիպումը։ Հանդիպմանը մասնակցել է նաև կուսակցության նախագահ, միլիարդատեր Բիձինա Իվանիշվիլին և կառավարության նախագահ Կվիրիկաշվիլին։

Հանդիպումից հետո պատգամավորները հերքել էին այն տարածված տեղեկատվությունը, թե կուսակցության գլխավոր գրասենյակում քննարկվել է կառավարության փոփոխության հարցը։

Ավելի վաղ Կվիրիկաշվիլին հրաժարվել է հեռանալ պաշտոնից Թբիլիսիում ցուցարարների պահանջով:

Մայիսի 31-ից Թբիլիսիում բողոքի ակցիաներ են՝ ընդդեմ 2017-ի դեկտեմբերին երկու դպրոցականների սպանության գործով դատավճռի: Միջադեպը տեղի է ունեցել 2017-ի դեկտեմբերի 1-ին: Թիվ 51 դպրոցում վիճաբանություն էր առաջացել 9-րդ և 11-րդ դասարանների աշակերտների միջև, իսկ ավելի ուշ դանակահարություն էր տեղի ունեցել մեկ այլ դպրոցի անչափահասների մասնակցությամբ: Վերջիններս օգնության էին եկել 9-րդ դասարանի աշակերտներից մեկին: Դատավճիռը վրդովեցրել էր նաև դատախազներին:

Բողոքի ակցիաները դադարել են հունիսի 6-ից և վերսկսվել հունիսի 10-ից՝ ավարտվելով հունիսի 11-ին:

 Ուշագրավ
Բելառուսի և Ռուսաստանի ղեկավարները պատրաստվում են ստեղծել միացյալ հարկային և քաղաքացիական օրենսգրքեր
Ծրագրի 88%-ը կիրականացվի Միացյալ Նահանգներում, իսկ 12%-ը` Ադրբեջանում
Երկրի Կենտրոնական ընտրական հանձնաժողովի տվյալներով, կուսակցությունը հավաքել է ձայների 42%-ը