Յուրա Մովսիսյանը վիրահատվել է. Վերականգնման համար 4 ամիս կպահանջվի

Յուրա Մովսիսյանը վիրահատվել է. Վերականգնման համար 4 ամիս կպահանջվի

PanARMENIAN.Net - Հայաստանի ազգային հավաքականի և շվեդական «Յուրգորդենի» հարձակվող Յուրա Մովսիսյանը վիրահատվել է և 4 ամիս չի կարողանա խաղադաշտ դուրս գալ: Այդ մասին ֆուտբոլիստը հայտնել է իր ֆեյսբուքյան էջում:

«Շատ շնորհակալություն բժիշկ Մենդելբաումին: Վիրահատությունս շատ լավ է անցել և հենց այսօրվանից սկսվում է ապաքինման ճանապարհը: Դժվար ու բարդ 4 ամիս է սպասվում, բայց ամեն ինչ կանեմ 100%-ով պատրաստ լինելու համար: Շնորհակալ եմ բոլոր աջակիցներիս բարեմաղթանքների և աղոթքների համար»,-ասվում է գրառման մեջ:

Մովսիսյանը շնորհակալություն է հայտնել աջակցության համար իր ընտանիքին և ընկերներին, որոնք միշտ իր կողքին են:

«...Ես կվերադառնամ», - ասվում է Մովսիսյանի գրառման մեջ:

Յուրա Մովսիսյանը վնասվածք է ստացել մայիսի 18-ին «Յուրգորդենի» կազմում Շվեդիայի առաջնության 9-րդ տուրի «Էրեբրուի» դեմ խաղում:

Մայիսի 11-ին հայտնի դարձավ, որ Յուրա Մովսիսյանը հրավիրվել է Հայաստանի հավաքական: Հայաստանի ֆուտբոլի ֆեդերացիայի նախագահ Ռուբեն Հայրապետյանը նախկինում բազմիցս էր հայտարարել, որ անկախ գլխավոր մարզչի որոշումից՝ ինքը թույլ չի տալու Յուրա Մովսիսյանին, ինչպես նաև որոշ այլ ֆուտբոլիստների, հրավիրել ազգային հավաքական:

 Ուշագրավ
Հայաստանի ազգային հավաքականի ավագ Հենրիխ Մխիթարյանի՝ 2016-ին խփած «կարիճ» գոլը ներառվել է տասնամյակի ֆուտբոլի պատմության ամենահիշարժան իրադարձությունների ցանկում
Սիմոն Մարտիրոսյանը 2020 թվականի հունվարին կարող է ստանալ օլիմպիական ոսկե մեդալը
Մելիքբեկյանի օգտին քվեարկել է 13 հոգի, մյուս թեկնածուի՝ Թովմաս Գրիգորյանի օգտին քվեարկել է 7 հոգի, 3 քվեաթերթիկ համարվել է անվավեր:
Առաջին տեղը վարկանիշում գրավում է Բելգիան, որին հաջորդում են Ֆրանսիան և Բրազիլիան