// IP Marketing video - START// IP Marketing video - END

«Արսենալի» նորեկ. Մխիթարյանը կարող է ԱՊԼ լավագույն ֆուտբոլիստներից մեկը դառնալ

«Արսենալի» նորեկ. Մխիթարյանը կարող է ԱՊԼ լավագույն ֆուտբոլիստներից մեկը դառնալ

PanARMENIAN.Net - Հայաստանի հավաքականի և Լոնդոնի «Արսենալի» կիսապաշտպան Հենրիխ Մխիթարյանը կարող է լավագույններից մեկը դառնալ ԱՊԼ-ում: Այդպիսի կարծիք է հայտնել լոնդոնյան ակումբի նորեկ, պաշտպան Սոկրատիս Պապաստատոպոլուսը:

Ըստ հույն ֆուտբոլիստի, Մխիթարյանը կարող է ԱՊԼ լավագույն ֆուտբոլիստներից մեկը դառնալ, եթե վերականգնի այն մարզավիճակը, որն ուներ, երբ խաղում էր Դորտմունդի «Բորուսիայի» կազմում, գրում է Evening Standard-ը:

Մխիթարյանը 2015-16թթ. խաղաշրջանում 23 գոլի և 32 գոլային փոխանցման հեղինակ է դարձել գերմանական թիմի կազմում անցկացրած 52 խաղում:

«Նա հիանալի է խաղում...Գնդակով, առանց գնդակի, այն, ինչպես է գործակցում թիմի հետ, երբ գրոհի պահեր է ստեղծում՝ դա ուղղակի զարմանալի է: Այն, ինչ նա ցուցադրեց Դորտմունդում իր վերջին խաղաշրջանում, նրան դասեց Բունդեսլիգայի լավագույն ֆուտբոլիստների շարքին: Կարծում եմ, որ նա կարող է լավագույններից մեկը դառնալ նաև Անգլիական պրեմիեր լիգայում»,-ասել է Սոկրատիսը:

Սոկրատիս Պապաստատոպոլուսը Մխիթարյանի հետ 3 խաղաշրջան է անցկացրել Դորտմունդում:

 Ուշագրավ
Մխիթարյանի գոլը 86-րդ րոպեին փրկել է «Արսենալին» վերջին 16 խաղում առաջին պարտությունից
Աղյուսակը գլխավորում է Բելգիան
Մ-19 և Մ-17 հավաքականներում խզվել են պայմանագրերն արգենտինացի բոլոր մարզիչների հետ
«Ես գիտեի, որ ավելի արագաշարժ եմ: Նա ինձ ոչ մի բանով չզարմացրեց»,-ասել է Մուսասին մենամարտից հետո