Բլատեր. Քաթարն ԱԱ-2022 անցկացման վայր է ընտրվել գործարքի արդյունքում

6 օգոստոսի 2018 - 12:38 AMT

PanARMENIAN.Net - ՖԻՖԱ նախկին նախագահ Յոզեֆ Բլատերը, որը հեռացել է պաշտոնից 2015-ին կոռուպցիոն սկանդալի պատճառով, իր հեղինակած «Իմ ճշմարտությունը» գրքում գրել է, որ Քաթարը չպետք է 2022թ. ֆուտբոլի աշխարհի առաջնությունն անցկացնելու իրավունք ստանար:

Բրիտանական The Times-ը, որը հատվածներ է տպել գրքից, նկարագրում է այն որպես պաշտպանության փորձ հօգուտ Բլատերի, որը 17 տարի եղել է ՖԻՖԱ ղեկավար կազմում:

«Եթե ՖԻՖԱ-ում լավ ուսումնասիրեին հաշվետվությունները, ապա աշխարհի առաջնությունը Քաթարում չէր անցկացվի: Չգիտեմ, կա արդյոք կապ Քաթարում ԱԱ-2022-ի և այն ամենի միջև, ինչ պատահեց հետագայում»,-գրել է Բլատերը գրքում, հայտնում է ՌԲԿ-ն:

Բլատերը պնդում է, որ Քաթարը հաղթեց ՖԻՖԱ-ի գործկոմի նախկին անդամ Միշել Պլատինիի վրա քաղաքական ճնշման և գործարքի արդյունքում:

Ըստ նրա, Պլատինին պատմել է իրեն, որ քվեարկության վերաբերյալ որոշումը կայացրել էր արդեն Ֆրանսիայի նախակին նախագահ Նիկոլյա Սարկոզիի և Քաթարի շեյխ Թամին բին Համադ Ալ Թանիի հետ ընթրիքի ժամանակ 2010 թվականին: Պլատինին իր հերթին հերքում է այդ տեղեկատվությունը:

Ֆուտբոլի աշխարհի առաջնությունը կանցկացվի 2022-ի նոյեմբերի 21-ից դեկտեմբերի 18-ը Քաթարում:

Հղումներ թեմայով.

РБК: Блаттер заявил о сговоре при выборе Катара страной проведения ЧМ-2022 Подробнее на РБК: https://www.rbc.ru/politics/05/08/2018/5b6757dc9a7947341f512f95