// IP Marketing video - START// IP Marketing video - END

ԱՄՆ կինոարվեստի ակադեմիան «Օսկարի» նոր անվանակարգ կսահմանի

ԱՄՆ կինոարվեստի ակադեմիան «Օսկարի» նոր անվանակարգ կսահմանի

PanARMENIAN.Net - ԱՄՆ կինոարվեստի ակադեմիան «Օսկարի» նոր անվանակարգ կսահմանի: Մրցանակը կհանձնվի այն ֆիլմերին, որոնք մեծ հաջողություն են ունեցել: Անվանակարգը կկոչվի «ականավոր պոպուլյար ֆիլմ»: Այդ մասին ասվում է ակադեմիայի նամակում, որը հրապարակել է Vanity Fair հանդեսը:

Բացի այդ, մրցանակի շնորհման արարողությունը կկրճատվի մինչև 3 ժամ, հայտնում է ՌԲԿ-ն:

Վերջին անգամ նոր անվանակարգ սահմանվել է 2001-ին՝ լավագույն անիմացիոն ֆիլմի համար, որի առաջին հաղթողը դարձավ «Շրեկը»:

Փոփոխություններն արվում են ի պատասխան այն քննադատությանը, որի համաձայն ակադեմիան հետ է մնում ժողովրդականություն վայելող մշակույթից և այդ պատճառով հանդիսատես է կորցնում:

2017-ին «Օսկարի» հոբելյանական 90-րդ մրցանակաբաշխությունն ամենացածր վարկանիշն ունեցավ պատմության մեջ՝ առաջին անգամ շոուն 30 միլիոնից պակաս մարդ է դիտել, ընդամենը 26,5 մլն: Դա 20 տոկոսով պակաս է 2016-ի ցուցանիշից:

 Ուշագրավ
Հայաստանը ֆիլմերը ստանում է ՌԴ-ից, ուստի՝ հայ հանդիսատեսին այն կհասնի նույն տեսքով, ինչ ռուսաստանցի հանդիսատեսին
Ըստ մոդելի, տղան շատ նման է քրոջը՝ 1 տարեկան Չիկագոյին
PanARMENIAN.Net –ն առանձնացրել է իր ճաշակով մի քանի տարբերակ առաջիկա մի քանի օրն ավելի հիշարժան դարձնելու համար:
2019-ին էլ 20,000 դոլարի դրամաշնորհը կուղղվի հայկական գրչության կենտրոնների ինտերակտիվ քարտեզի ստեղծմանը