// IP Marketing video - START// IP Marketing video - END

«Պոբեդան» ձեռքի ուղեբեռի համար նոր կանոններ է սահմանել

«Պոբեդան» ձեռքի ուղեբեռի համար նոր կանոններ է սահմանել

PanARMENIAN.Net - Ռուսական «Պոբեդա» լոուքոսթերը տանուլ է տվել գործը դատարանում և այժմ փոխում է ձեռքի ուղեբեռի կանոնները: Այսուհետ ուղևորը ձեռքի ուղեբեռ տանելու 2 տարբերակ կունենա, ասվում է ընկերության հաղորդագրության մեջ:

Մասնավորապես, փետրվարի 18-ից ավիաընկերության չվերթներում թույլատրվում է ինքնաթիռում մեկ տեղի համար ունենալ 10 կգ ու 36 х 30 х 4 սմ չափսերը չգերազանցող ձեռքի ուղեբեռ:

Ինքնաթիռի սրահ կարելի է տանել հետևյալ իրերը՝ կանացի պայուսակ, պորտֆել, ուսապարկ, որոնց չափսերը չեն գերազանցի 36 х 30 х 23 սմ-ն, ինչպես նաև ծաղկեփունջ, վերնազգեստ, դեղեր և սնունդ թռիչքին ներկա երեխայի համար, մեկ կոստյում, մանկասայլակ, հենակներ, ձեռնափայտ, ծալովի հաշմանդամի սայլակ, ապրանքներ duty free-ից, որոնց չափսերը չեն գերազանցի 10 х 10 х 5 սմ, գրում է Deutsche Welle-ն:

Միաժամանակ «Պոբեդայում» կշարունակեն գործել նաև հին կանոնները, որոնց համաձայն կարելի է որպես ձեռքի ուղեբեռ վերցնել ցանկացած քաշի ու քանակի իրեր, եթե դրանք բոլորը միասին տեղավորվում են 36 х 30 х 27 սմ գաբարիտների մեջ:

Ըստ ավիաընկերության գլխավոր տնօրեն Անդրեյ Կալմիկովի, ուղևորները կկարողանան իրենք ընտրել հարմար տարբերակը:

 Ուշագրավ
Երկրի Կենտրոնական ընտրական հանձնաժողովի տվյալներով, կուսակցությունը հավաքել է ձայների 42%-ը
Ընդհանուր առմամբ 19 մարդ է տուժել, որից 4 վիճակը գնահատվում է ծանր
Պատճառը, ինչպես հայտարարել է կառավարությունը, հարձակումներն են մահմեդականների վրա