ՌԴ իրավապահները ստուգում են ադրբեջանցի մեծահարուստին պատկանող շուկաները

ՌԴ իրավապահները ստուգում են ադրբեջանցի մեծահարուստին պատկանող շուկաները

PanARMENIAN.Net - ՌԴ իրավապահները ռեյդեր են անցկացնում ադրբեջանցի մեծահարուստ, միլիարդատեր Գոդ Նիսանովին պատկանող «Սադովոդ», «Մոսկվա» և «Ֆուդ Սիթի» շուկաներում:

Ըստ ռուսական ԶԼՄ-ների, ուժայինների թիրախում Գոդ Նիսանովն է, որի կարողությունն ըստ Forbes-ի գնահատվում է $3,3 մլրդ, հայտնում է Haqqin.az-ը:

«Սադովոդ», «Մոսկվա» և «Ֆուդ Սիթի» շուկաները պատկանում են «Կիևսկայա պլոշչադ» ընկերությունների խմբին, որի սեփականատերերն են Գոդ Նիսանովն ու Զարահ Իլիևը:

Ավելի վաղ Նիսանովին հորդորել են խոշոր նախագծեր ֆինանսավորել Մոսկվայում, բայց նա հրաժարվել է՝ ասելով, որ այլևս մտադիր չէ ներդրումներ անել Մոսկվայում և դուրս է բերում իր միջոցներն արտերկիր:

Ըստ որոշ տեղեկությունների, Նիսանովը կարող է քրգործի ֆիգուրանտ դառնալ՝ ապօրինի բանկային գործունեության և ապօրինի միգրացիայի գործով:

Ավելի վաղ ՌԴ ԿԲ ֆինանսական մոնիտորինգի և արժույթային հսկողության դեպարտամենտի տնօրեն Յուրի Պոլուպանովը ասել էր, որ «Սադովոդ», «Մոսկվա» շուկաներում կրիպտոարժույթային ֆերմաներ են ստեղծվել: Մոսկվայում կանխիկ դրամով կրիպտոարժույթ են գնում չինացիները, որոնք այդպիսով տնտեսում են և խուսափում են հարկերից:

 Ուշագրավ
Ըստ իրավապաշտպան Օքթայ Գյուլալիևայի, նրանցից 9 մահացան՝ չդիմանալով կտտանքներին
Բաբաքյար լեռը ՀՀ, Վրաստանի և Ադրբեջանի սահմանների հատման վայր է
Ծառուկյանը պատռել էր ծանուցումը