Ռուս զբոսաշրջիկներին խորհուրդ են տվել ձեռնպահ մնալ Վրաստան այցելելուց21 հունիսի 2019 - 13:17 AMT PanARMENIAN.Net - ՌԴ Դաշնության խորհրդի միջազգային գործերի գծով կոմիտեի փոխնախագահ Վլադիմիր Ջաբարովը հայտարարել է, որ ռուսաստանցի զբոսաշրջիկները պետք է ձեռնպահ մնան Վրաստան այցելելուց, քանի դեռ իրավիճակն այնտեղ չի կայունացել: «Ես ռուսաստանցի զբոսաշրջիկների փոխարեն ձեռնպահ կմնայի Թբիլիսի այցելելուց...Ինչո՞ւ ռիսկի դիմել: Թող վրացական իշխանությունները կարգավորեն իրավիճակը»,-ասել է սենատորը, հայտնում է ՌԻԱ Նովոստին: Ըստ Ջաբարովի, ցանկալի կլիներ իրավիճակի գնահատական լսել նաև Վրաստանի իշխանությունների կողմից՝ նախագահի և վարչապետի: Ջաբարովը հավելել է, որ այն, ինչ կատարվում է Վրաստանում, այդ երկրի «ներքին գործն է»: «Ընդդիմությունը որպես առիթ է օգտագործել Ռուսաստանի գործոնը»,-ասել է նա: Հունիսի 21-ի գիշերը Թբիլիսիի ոստիկանությունը ցրել է Վրաստանի խորհդարանի շենքի մոտ անցկացվող հակառուսական բազմահազարանոց հանրահավաքը, որի մասնակիցների դեմ կիրառվել են ջրցան մեքենաներ, ռետինե փամփուշտներ և արցունքաբեր գազ: Բողոքի ակցիաները սկսվել են հունիսի 20-ին երկրի խորհրդարանում անցկացվող Ուղղափառության միջխորհրդարանական վեհաժողովում տեղի ունեցած միջադեպից հետո, երբ Ռուսաստանի Դաշնության Պեդումայի պատգամավոր Սերգեյ Գավրիլովը բացել է կազմակերպության նստաշրջանը՝ զբաղեցնելով վրացական խորհրդարանի խոսնակի աթոռը: Այդ ժամանակ նիստերի դահլիճ են ներխուժել վրացական ընդդիմադիր ուժերի ներկայացուցիչները՝ պահանջելով ռուս պատգամավորից վեր կենալ երկրի օրենսդիր մարմնի ղեկավարի աթոռից, լքել դահլիճը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին» Նամակի բովանդակությունը հայտնի չէ Փաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նա ՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում են ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |