Քանյե Ուեսթն իր ալբոմի վրա աշխատողներին արգելել է զբաղվել մինչամուսնական սեքսով

Քանյե Ուեսթն իր ալբոմի վրա աշխատողներին արգելել է զբաղվել մինչամուսնական սեքսով

PanARMENIAN.Net - Ամերիկացի ռեփեր, հայտնի ամերիկահայ հեռուստաաստղ Քիմ Քարդաշյանի ամուսին Քանյե Ուեսթը պատմել է, որ իր Jesus Is King ալբոմի վրա աշխատող մասնագետներին արգելել է զբաղվել մինչամուսնական սեքսով: Այդ մասին նա ասել է Apple Music Beats 1-ում դիջեյ և հեռուստահաղորդավար Զեյն Լուոին տված հարցազրույցում:

Ուեսթը հայտարարել է, որ հորդորել է իր պատանի օգնականներին ու ընկերներին ավելի պարկեշտ կյանք վարել: «Ես խնդրել եմ մարդկանց...Ես հիմա ծայրահեղ բան կասեմ: Մի ժամանակահատված կար, երբ ես խնդրել էի ալբոմի վրա աշխատող մարդկանց զերծ մնալ մինչամուսնական սեռական կապերից»,-ասել է Ուեսթը, գրում է Esquire.ru-ն:

Բացի այդ, ռեփերը խոստովանել է, որ ժամանակին ուղղակի տարված է եղել սեքսով և համեմատել է այն թմրամոլության հետ: Ըստ երաժշտի, այժմ նա հաղթահարել է այդ կախվածությունը:

Ուեսթը նոր ալբոմի ոգեշնչման աղբյուրը եղել են իր իսկ կողմից անցկացվող «կիրակնօրյա ժամերգությունները»: Այն կոչվելու է Jesus Is King, և, հավանաբար, կթողարկվի Սբ Ծննդյան օրերին: Ռեփերն այլ մանրամասներ չի ներկայացրել:

Ուեսթը նաև անվանել է իրեն «անկասկած, բոլոր ժամանակների մեծագույն արտիստ», ինչպես նաև հաստատել է 2024-ի համար իր նախագահական հավակնությունները:

 Ուշագրավ
Գիտնականներն ասում են, որ Համաշխարհային օվկիանոսի տաքացումը վկայում է կլիմայի փոփոխության արագանալու մասին
Ավելի վաղ արքայազն Հարիին և նրա կինը հայտնել էին, որ մտադիր են ֆինանսական ինքնուրույնության հասնել առանց թագավորական արտոնությունների
Ինքնաթիռը կործանվել է թռիչքից անմիջապես հետո