Իրանում երկրաշարժից 5 մարդ է զոհվել. Ցնցումները զգացվել են նաև ՀՀ-ում

Իրանում երկրաշարժից 5 մարդ է զոհվել. Ցնցումները զգացվել են նաև ՀՀ-ում

PanARMENIAN.Net - Նոյեմբերի 8-ին, տեղական ժամանակով ժամը 02:47-ին ԱԻՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է 5.9 մագնիտուդով երկրաշարժ՝ Իրանի՝ Արդեբիլ քաղաքից 45 կմ հարավ, ՀՀ Մեղրի քաղաքից 210 կմ հարավ-արևելք: Այս մասին հաղորդում է ՀՀ արտակարգ իրավիճակների նախարարության մամուլի ծառայությունը:

Էպիկենտրոնային գոտում ստորգետնյա ցնցման ուժգնությունը կազմել է 8-9 բալ, երկրաշարժի օջախի խորությունը՝ 10 կմ: Զոհերի և վիրավորների մասին տեղեկությունը ճշտվում է: «Ինտերֆաքս»-ը գրում է, որ երկրաշարժի հետևանքով մահացել է 5 մարդ, տուժել՝ շուրջ 120-ը:

Ըստ ԱԻՆ հաղոդրագրության՝ երկրաշարժը զգացվել է ՀՀ Սյունիքի մարզի Կապան, Մեղրի և Գորիս քաղաքներում՝ 4, Վայոց ձորի Եղեգնաձոր և Վայք քաղաքներում՝ 3-4, Արարատի Արարատ քաղաքում և Երևանում՝ 3 բալ ուժգնությամբ:

 Ուշագրավ
Բաբաքյար լեռը ՀՀ, Վրաստանի և Ադրբեջանի սահմանների հատման վայր է
Ծառուկյանը պատռել էր ծանուցումը
Դերասանը հայտնի է Կլոդ Զիզիի «Հրեշը», Ֆրանսիս Վեբերի «Խաղալիքը», Կլոդ Լելուշի «Տղամարդը և կինը. 20 տարի անց» ֆիլմերում երկրորդ պլանի դերերով