Նիդերլանդներում 9-ամյա տղան ավարտում է համալսարանը19 նոյեմբերի 2019 - 13:50 AMT PanARMENIAN.Net - 9-ամյա բելգիացին, որն ապրում է Նիդերլանդներում, ավարտում է համալսարանը: Դեկտեմբերին նա բակալավրի աստիճան կստանա Էյնդհովենի Տեխնիկական համալսարանում՝ նա սկսել է ուսումը էլեկտրատեխնիկայի ֆակուլտետում 2019-ի մարտին, երբ դեռ 8 տարեկան էր: 3 տարվա համար նախատեսված դասընթացը պատանի հանճարն ավարտել է 10 ամսում: Այժմ աշխարհի լավագույն համալսարաններն առաջարկում են վունդերկինդին իրենց մոտ կրթություն ստանալ, սակայն Սիմոնսի ծնողները դեռ չեն հրապարակում, թե որ բուհն է նա ընտրել: Ինքը Լորանն ասում է, որ ցանկանում է շարունակել էլեկտրատեխնիկա ուսումնասիրել՝ թեկնածուի աստիճան ստանալ, և զուգահեռաբար բժշկություն սովորել, գրում է Bird in Flight-ը: Տղան ասել է, որ ապագայում ցանկանում է զբաղվել արհեստական օրգաններ ստեղծելով, քանի որ պապիկն ու տատիկը սրտի հիվանդություններ ունեն: «Ես կցանկանայի օգնել նրանց պես մարդկանց»,-ասել է Լորանը The New York Times-ին տված հարցազրույցում: Տղայի ծնողները տևական ժամանակ չէին հավատում, որ իրենց որդին վունդերկինդ է: Լիդիա և Ալեքսանդր Սիմոնսները բժիշկներ են: Նրանք աշխատում էին Նիդերլանդներում, մինչդեռ Լորանին դաստիարակում էին Բելգիայում ապրող պապն ու տատը: «Նրանք միշտ ասում էին մեզ, որ Լորանն առանձնահատուկ է: Մեզ սկզբից թվում էր, որ նրանք ամեն ինչ շատ լուրջ են ընդունում»,-ասել է տղայի հայրը: Պատանի հանճարի IQ-ն 145 է: «Լորանի կլանելու ունակությունները շատ բարձր են: Դա նշանակում է, որ ամեն ինչ շատ ավելի արագ է տեղի ունենում, և կարելի է շատ կարճ ժամանակում ավելի մեծ նյութ յուրացնել»,-ասել է տղայի դասախոսը՝ ինտեգրված էլեկտրոնիկայի պրոֆեսոր Պետեր Բալտուսը: Դասերից դուրս Սիմոնսը սովորական երեխա է: Նրան դուր է գալիս Fortnite և Minecraft խաղալ, դիտել Netflix-ի սերիալներն ու լուրերը, նա իր բլոգն ունի Instagramum: Չնայած շրջապատի հիացմունքին՝ Լորանն իրեն ծույլիկ է համարում, քանի որ չի սիրում սպորտով զբաղվել: Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | Մինչև 10% քեշբեք GetTransfer-ից՝ IDBank-ի քարտերով Քեշբեքի չափը կախված է IDBank-ի քարտից G7-ի երկրները կոչ են արել Բաքվին կատարել հումանիտար իրավունքի իր պարտավորությունները Նրանք նաև կոչ են արել Երևանին և Բաքվին հավատարիմ մնալ խաղաղ գործընթացին ftNFT ֆիջիթալ սփեյսում քննարկվել է AKNEYE-ի հետ գործակցությունը և մտավոր սեփականության իրավունքը Ետալեանը ներկաներին պատմել է AKNEYE-ի հետ գործակցության սեփական փորձի մասին Լավրով․ ՀՀ-ն դեռ ինքը չի կարող որոշել ՀԱՊԿ պատասխանատվության գոտին իր տարածքում Նա ասել է, որ պետք է «նշել Հայաստանի սահմանները, ավարտել սահմանազատումը» |