Amnesty International. Իրանում ցույցերի ժամանակ ավելի քան 100 մարդ է զոհվել

Amnesty International. Իրանում ցույցերի ժամանակ ավելի քան 100 մարդ է զոհվել

PanARMENIAN.Net - Իրանում արդեն մի քանի օր շարունակվող բողոքի ցույցերի ժամանակ ավելի քան 100 մարդ է զոհվել: Այդ մասին նոյեմբերի 19-ին հայտնել է իրավապաշտպան Amnesty International կազմակերպությունը:

«Տեսագրությունները, ականատեսների վկայություններն ու Իրանից դուրս գործող ակտիվիստներից ստացած տեղեկություններն Իրանի անվտանգության ուժերի կողմից ապօրինի սպանությունների սարսափելի տեսարան են ի հայտ բերում»,-ասել են կազմակերպությունում, գրում է RTVI-ն:

Կազմակերպությունը համարում է, որ զոհերի թիվը շատ ավելին կարող է լինել: Ըստ որոշ տվյալների, առնվազն 200 մարդ է զոհվել: Պետական ԶԼՄ-ները մի քանի զոհերի մասին են հայտնել միայն ցուցարարների շրջանում, և առնվազն 4 զոհի մասին իրավապահների շրջանում:

Բողոքի ցույցերն Իրանում սկսվել են նոյեմբերի 15-ին մի քանի քաղաքներում: Պատճառը բենզինի գինը կրկնապատկելու մասին կառավարության որոշումն էր, նախատեսվում է նաև վառելիքի մանրածախ վաճառքի սահմանափակումներ կիրառել: Իշխանությունները ամսական 60 լ բենզինի լիմիտ են սահմանել մասնավոր ավտոմեքենաների համար, որոնց դեպքում բենզինը վաճառվում է ավելի ցածր գնով:

Նոյեմբերի 16-ի առավոտյան ցուցարարները փորձել են գրոհել Սիրջանի նավթաբազան: Երկրում անջատել են ինտերնետ կապն ու բբջային կապը: Իրանի գերագույն առաջնորդ Ալի Համենեին հավանություն է տվել թանկացմանը: Նա նաև ցույցերի կազմակերպման մեջ մեղադրել է Իսլամական հանրապետության թշնամիներին ու «օտարերկրացի հակառակորդներին»:

 Ուշագրավ
Գիտնականներն ասում են, որ Համաշխարհային օվկիանոսի տաքացումը վկայում է կլիմայի փոփոխության արագանալու մասին
Ավելի վաղ արքայազն Հարիին և նրա կինը հայտնել էին, որ մտադիր են ֆինանսական ինքնուրույնության հասնել առանց թագավորական արտոնությունների
Ինքնաթիռը կործանվել է թռիչքից անմիջապես հետո