Ալիևը ստորագրել է Մեջլիսի արձակման հրամանագիրը. Ընտրությունների օրը հայտնի է

Ալիևը ստորագրել է Մեջլիսի արձակման հրամանագիրը. Ընտրությունների օրը հայտնի է

PanARMENIAN.Net - Ադրբեջանի նախագահ Իլհամ Ալիևը ստորագրել է երկրի խորհրդարանի՝ Միլի մեջլիսի արձակման վերաբերյալ հրամանագիրը և նշանակել արտահերթ խորհրդարանական ընտրություններ:

Արտահերթ ընտրությունները կանցկացվեն 2020-ի փետրվարի 9-ին, հայտնում է Haqqin.az-ը:

Ավելի վաղ Ադրբեջանի Սահմանադրական դատարանն օրինական էր համարել Միլի մեջլիսի արձակումը և արտահերթ ընտրությունների նշանակումը: Համապատասխան որոշումն ընդունվել էր պետության ղեկավարի հարցմանն ի պատասխան:

Նոյեմբերի 28-ին իշխող «Ենի Ադրբեջան» կուսակցության Քաղխորհրդի արտահերթ նիստում որոշվել է արձակել Միլի մեջլիսը՝ խորհրդարանը: Իշխող կուսակցության խմբակցությունը մեծամասնություն ունի Միլի մեջլիսում: Որոշումը բացատրվել է նրանով, որ Միլի մեջլիսի կազմը չի համապատասխանում պետության ղեկավարի վարած քաղաքականությանը, և փաստացի չի մասնակցում երկրում իրականացվող բարեփոխումներին:

Ադրբեջանի Միլի մեջլիսում 125 պատգամավոր կա, որոնք ընտրվում են 5 տարով: Գործող խորհրդարանն ընտրվել է 2015-ի նոյեմբերի 1-ին:

 Ուշագրավ
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել
Նա նշել է, որ ԱԳ նախարար Էլմար Մամեդյարովը որևէ կերպ չի արձագանքել հուլիսի 12-ին իրադարձություններին
Զինվորականը սպանվել է հուլիսի 14-ի առավոտյան