ՄԻՊ. Մարդու իրավունքների պաշտպանությունը հասարակության զարգացման շարժիչ ուժն է10 դեկտեմբերի 2019 - 11:39 AMT PanARMENIAN.Net - Մարդու իրավունքների պաշտպանությունն ու հարգումը յուրաքանչյուր հասարակության զարգացման հիմնական շարժիչ ուժն է: Այդ մասին ասվում է մարդու իրավունքների պաշտպանության օրվա առիթով ՀՀ մարդու իրավունքների պաշտպան Արման Թաթոյանի ուղերձում։ Դեկտեմբերի 10-ին նշում է մարդու իրավունքների պաշտպանության օրը: Ուղերձում նշվում է, որ այս օրը նշանավորվում է 1948 թվականին Մարդու իրավունքների համընդհանուր հռչակագրի ընդունմամբ: «Մարդու իրավունքների պաշտպանությունը պետք է դառնա ոչ միայն պետական քաղաքականության առաջնահերթ օրակարգ, այլև պետության յուրաքանչյուր ներկայացուցչի ամենօրյա գործունեության սկզբունք: Որպես Հայաստանի մարդու իրավունքների պաշտպան՝ իմ ամենօրյա աշխատանքն ու ջանքերը հենց ուղղված են մեր երկրում մարդու իրավունքների ապահովման գործող կառուցակարգերի կատարելագործմանը, հասարակական իրազեկվածության բարձրացմանը, ու առկա խնդիրների վերհանմանն ու դրանց լուծման ուղիները կանխորոշելուն: 2019 թվականին մեր երկիրն աչքի ընկավ դատաիրավական, հակակոռուպցիոն, մարդու իրավունքների պաշտպանության և մի շարք այլ ոլորտային ռազմավարական փաստաթղթերի մշակմամբ և ընդունմամբ: Կարևոր է նկատի ունենալ, որ մարդու իրավունքները՝ իբրև առաջնահերթ ուղղություն ամրագրելուց զատ սկզբունքային են դրանց իրագործմանն ուղղված գործնական միջոցառումները»,-ասված է ուղերձում: Նշվում է նաև, որ յուրաքանչյուրի խնդիրն է նպաստելու մարդու իրավունքների պաշտպանության պետության հանձնառության առավելագույն կատարմանը, իրավունքների պաշտպանության իրավական հնարավորությունների հասանելիության ապահովմանը։ Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Ադրբեջանի մեջլիսում մտահոգ են այդ երկրի պաշտոնյաների դեմ ԱՄՆ հնարավոր պատժամիջոցների հեռանկարով Օրուջն ասել է, թե կարելի է «Փաշինյանին հրավիրել Բաքու, բայց փակել մուտքը երկիր պատժամիջոցների կողմնակիցների համար» ԱԳՆ․ ՀՀ-ն չի մասնակցի ՀԱՊԿ գործունեության ֆինանսավորմանը Ուշակովն ավելի վաղ ասել էր, որ Հայաստանը պատրաստվում է ձեռնպահ մնալ ՀԱՊԿ-ի ֆինանսավորումից Սյունիքի Շաքի գյուղի մոտ կկառուցվի մաքսային և լոգիստիկ կենտրոն Կենտրոնը հագեցված է լինելու լաբորատոր սարքավորումներով և պարագաներով, սկանավորման սարքերով ՀՀ-ն և ՎԶԵԲ-ը 236 մլն եվրոյի վարկային համաձայնագիր կստորագրեն Սիսիան-Քաջարան ճանապարհի մի հատվածը կառուցելու համար Կկառուցվի 5 թունել, 11 կամուրջ, 68 հեղեղատ, 43 հենապատ |