Տիբեթից հնագույն սառույցի նմուշներում 28 անհայտ վիրուս են գտել24 հունվարի 2020 - 15:28 AMT PanARMENIAN.Net - 15,000 տարեկան սառույցի նմուշներում գիտությանը մինչ օրս անհայտ 28 վիրուս է հայտնաբերվել: Գիտնականները ստիպված են եղել հետազոտման հատուկ մեթոդ մշակել՝ բացառելու բակտերիաների նմուշներով վարակումը, հայտնում է Live Science-ը՝ գիտնականների աշխատությանը հղումով: Պահպանված ամենահին սառույցներից ԱՄՆ և Կանադայի գիտնականները նմուշներ էին վերցրել դեռևս 2015-ին: Դրա համար հարկ է եղել 50 մ սառույց հորատել Տիբեթում, գրում է TJournal-ը: Քանի որ նմուշների մակերեսը պատվել էր բակտերիաներով հորատման և տեղափոխման ընթացքում, գիտնականները հետազոտել են սառույցի միջին մասից վերցված նմուշները: Այդ նպատակով սառցի կտորները տեղադրել են սառը սենյակում, որտեղ ջերմաստիճանը -5 էր, և օգտագործել ստերիլ սղոց՝ նմուշների արտաքին շերտից կես սմ կտրելու համար: Դրանից հետո մնացած սառույցը լվացել են էթանոլով և ամեն կողմից հալեցրել ևս 0,5 սմ-ով: Վերջնական նմուշները լվացել են ստերիլ ջրով: Այդպիսով գիտնականները համոզվել են, որ ուսումնասիրում են սառույցի այն շերտերը, որոնք վարակված չեն այլ բակտերիաներով և վիրուսներով: Գիտնականները նշել են, որ կլիմայի փոփոխությունը հանգեցրել է սառույցների հալեցմանն ամբողջ աշխարհում, այդ թվում՝ Թիբեթում, ուստի հնագույն վիրուսների նմուշները հետագայում կարող են ոչնչանալ: Բացի այդ, անհայտ ախտածինները կարող են հայտնվել շրջակա միջավայրում և սպառնալիք դառնալ մարդկանց համար: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին» Նամակի բովանդակությունը հայտնի չէ Փաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նա ՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում են ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |