Չինաստանում 1 շաբաթում նոր հիվանդանոց կկառուցեն կորոնավիրուսով հիվանդների համար (վիդեո)

Չինաստանում 1 շաբաթում նոր հիվանդանոց կկառուցեն կորոնավիրուսով հիվանդների համար

PanARMENIAN.Net - Չինաստանը որոշել է մեկ շաբաթում հատուկ հիվանդանոց կառուցել Ուխանում՝ մահացու կորոնավիրուսով հիվանդների համար։ Այդ մասին հայտնել է Չինաստանի կենտրոնական CCTV հեռուստատեսությունը։

Նշվում է, որ Ուխանում, որը համարվում է վիրուսի օջախը, սկսվել է 1000 հիվանդատեղով հիվանդանոցի կառուցումն այդ ախտորոշմամբ հիվանդների համար, գրում է Lenta.ru-ն։

Հաստատությունը կառուցվում է Պեկինի հիվանդանոցի նմանությամբ, որը նույն ժամկետում ստեղծվել էր 2003-ին ատիպիկ SARS թոքաբորբի դեմ պայքարելու համար։ Մոտ 25,000 քմ մակերեսով շենքի կառուցումն Ուխանում նախատեսվում է ավարտել փետրվարի 3-ին։

Չինաստանի Հուբեյ գավառում Ուխանը ներառյալ 12 քաղաք են փակել կորոնավիրուսի նոր տիպի տարածման պատճառով: Տրանսպորտային հաղորդակցությունը դրանցում ժամանակավոր կասեցվել է:

Դեկտեմբերի վերջին Չինաստանի իշխանությունները հայտնել էին Ուխանում անհայտ ծագման թոքաբորբով հիվանդացության մասին: Փորձագետները նախնական տեսակետ էին հայտնել, որ դրա հարուցիչը կորոնավիրուսի նոր տեսակն է: Հիվանդների թիվը հասել է 617-ի. մեծ մասը՝ 444 դեպք, գրանցվել է Հուբեյ գավառում: Այս նույն վայրում են արձանագրվել նաև բոլոր 17 մահացու դեպքերը:

 Ուշագրավ
Նրանք Չինաստանի քաղաքացիներ են
Այժմ վարակվածների թիվը հասել է 5999-ի, ևս 9239-ի մոտ կասկածվում է հիվանդությունը, 132 մարդ մահացել է, 104-ը՝ բուժվել
Գիտնականներն ասում են, որ Համաշխարհային օվկիանոսի տաքացումը վկայում է կլիմայի փոփոխության արագանալու մասին
Ավելի վաղ արքայազն Հարիին և նրա կինը հայտնել էին, որ մտադիր են ֆինանսական ինքնուրույնության հասնել առանց թագավորական արտոնությունների