«Ուոլ սթրիթի գայլը» ֆիլմի հերոսի նախատիպը $300 մլն է պահանջել հեղինակներից

«Ուոլ սթրիթի գայլը» ֆիլմի հերոսի նախատիպը $300 մլն է պահանջել հեղինակներից

PanARMENIAN.Net - Նախկին բրոքեր Ջորդան Բելֆորտը, որի կյանքի պատմությունն է «Ուոլ սթրիթի գայլը» ֆիլմի սյուժեի հիմքում, կինոժապավենի հեղինակներից՝ Red Granite Pictures ընկերությունից, $300 մլն է պահանջել։

Բելֆորտը դատի է տվել ընկերությանը՝ մեղադրելով Red Granite-ին, թե ֆիլմը նկարահանվել է Մալայզիայում փողերի լվացման նպատակով։ Նա պնդում է, որ իրեն մոլորեցրել են ինքնակենսագրության էկրանավորման իրավունքները վաճառելիս, գրում է Lenta.ru-ն` BBC-ին հղումով։

Ֆինանսիստը նշել է, որ չգիտեր մեքենայությունների մասին։ Նա հավելել է, որ երբեք չէր համաձայնվի վաճառել իրավունքները, եթե իմանար այդ մասին։ Ըստ Բելֆորտի` հուսով էր, որ դա կլինի իր կյանքի առաջին ազնիվ գործարքը, սակայն, խաբվել է իր սպասումներում։

2019-ի հուլիսին «Ուոլ սթրիթի գայլը» ֆիլմի պրոդյուսեր Ռիզա Ազիզը ձերբակալվել էր Մալայզիայում փողերի լվացման մեղադրանքով։ Ազիզին, մոր, խորթ հոր և վաղեմի ընկերոջ հետ միասին, մեղադրել էին պետական հիմնադրամից 4․5 մլրդ դոլարի անհետացման մեջ։ Ըստ ԱՄՆ դատախազների` միջոցներն օգտագործվել են վարչապետ Նաջիբ Ռազակի ճոխ կյանքի ապահովման համար։ Երկրի իշխանությունները կարծում են նաև, որ գումարներ կարող էին ուղղվել այն ֆիլմերի ֆինանսավորմանը, որոնք նկարահանում էր Ազիզը։ Red Granite Pictures ընկերությանը մեղադրեցին հիմնադրամի միջոցներն օգտագործելու մեջ։

 Ուշագրավ
Կինոփառատոնը պետք է կայանար մայիսի 12-23-ը
Թումանյանի ծննդյան օրը՝ փետրվարի 19-ին, Հայաստնում նշվում է գիրք նվիրելու օրը
Կինոշուկան իր մեծությամբ և հնարավորություններով աշխարհում երրորդն է
Ավելի վաղ նման արդյունք է գրանցել էր միայն Քրիսթոֆեր Քրոսը