ԱՄՆ Գերագույն դատարանը հավանություն է տվել գրին քարտերի տրամադրման Թրամփի նոր կանոններին

ԱՄՆ Գերագույն դատարանը հավանություն է տվել գրին քարտերի տրամադրման Թրամփի նոր կանոններին

PanARMENIAN.Net - Հունվարի 27-ին ԱՄՆ Գերագույն դատարանը հավանություն է տվել միգրացիոն կանոնների խստացմանը, որը ներկայացրել էր երկրի նախագահ Դոնալդ Թրամփի վարչակազմը։

Այսպիսով, օրինական ներգաղթյալների համար, որոնք սոցիալական օգնություն են ստանում ԱՄՆ-ում, առաջիկայում ավելի դժվար կլինի երկրում մշտական կացության իրավունք՝ այսպես կոչված, գրին քարտ ստանալ։

Սպիտակ տունը ողջունել է դատարանի որոշումը՝ հատուկ շեշտելով դրա դրական ազդեցությունը «ԱՄՆ հարկատուների, աշխատակիցների և սահմանադրության վրա», գրում է Deutsche Welle-ն։

Նորամուծությունները կարող են անդրադառնալ ավելի քան 22 մլն մարդու վրա, որոնք աջակցություն են ստանում պետությունից։

Ավելի վաղ ԱՄՆ մի քանի նահանգ դատի էին տվել նախագահի վարչակազմին միգրացիոն կանոնների ակնկալվող խստացման համար։ Հայցվորները կարծում են, որ դա խախտում է սահմանադրությունն ու խտրական է այլ գույնի մաշկով ներգաղթյալների համար։ Հոկտեմբերին 3 նահանգի դաշնային դատավորներն արգելել էին պաշտոնյաներին մերժել գրին քարտերի տրամադրումն օրինական ներգաղթյալներին։

Սպօրինի ներգաղթյալների դեմ պայքարը Թրամփի նախընտրական ծրագրի գլխավոր թեզերից էր, այդ քաղաքականությունը նա հետագայում շարունակեց արդեն որպես երկրի նախագահ։

 Ուշագրավ
Գերմանիայի կանցլերն առաջիկա օրերին պարբերաբար կորոնավիրուսի թեստ կհանձնի
Քաղաքացիներին հրահանգվել է մնալ տանը, դուրս գալ միայն ծայրահեղ անհրաժեշտության դեպքում
Կազմակերպությունը նաև տեսանյութ է հրապարակել
«Ես նույնպես վախենում եմ, բայց ոչ թե խանութ, այլ աշխատանքի գնալուց»,- ասել է նա