Էրդողանի խորհրդական. 16 անգամ պատերազմել ենք ռուսների հետ և պատրաստ ենք կրկնել

Էրդողանի խորհրդական. 16 անգամ պատերազմել ենք ռուսների հետ և պատրաստ ենք կրկնել

PanARMENIAN.Net - Թուրքիայի նախագահ Ռեջեփ Թայիփ Էրդողանի խորհրդական, անվտանգության և արտաքին քաղաքականության նախագահական կոմիտեի անդամ Մեսութ Հաքին հայտարարել է, որ Թուրքիան 16 անգամ պատերազմել է Ռուսաստանի հետ և պատրաստ է կրկին անել դա:

Հաքին ասել է, որ ՌԴ-ում 25 մլն մահմեդական է ապրում և «Ռուսաստանը ներսից կմասնատվի», տեղեկացնում է թուրքական Ahval-ը:

«Անցյալում Թուրքիան 16 անգամ պատերազմել է Ռուսաստանի հետ և պատրաստ է կրկնել: Մեր վրեժը սարսափելի է լինելու»,- ասել է նա:

Իսլամիստների ու թուրքական ուժերի վերահսկողության տակ գտնվող Իդլիբում 33 թուրք զինվոր է սպանվել: Անկարան հարվածի ու թուրք զինվորների զոհվելու մեջ մեղադրել է Դամասկոսին։ Հարվածից հետո Թուրքիան անվտանգության խորհրդի նիստ է գումարել, որի արդյունքում ընդունված հայտարարությամբ վրեժ է խոստացել սիրիական կողմին։ Երկրի ԱԳ նախարար Մևլութ Չավուշօղլուն հեռախոսազրույց է ունեցել ՆԱՏՕ գլխավոր քարտուղար Յանս Սթոլթենբերգի հետ․ վերջինս աջակցությունն է հայտնել Անկարային։

ՌԴ-ն ու Թուրքիան Սիրիայում պաշտպանում են հակամարտող կողմերին․ տարեսկզբից իսլամիստների ու թուրքամետ ուժերի կողմից վերահսկվող Իդլիբում վերսկսել են մարտերը, որոնց արդյունքում Ասադի բանակը մի շարք կարևոր տարածքներ է գրավել։ Թուրքական ու ռուսական ուժերը մի քանի անգամ հայտնվել են բախման եզրին․ իրավիճակը կայունացնելու դիվանագիտական փորձերն արդյունքի չեն հասել։

 Ուշագրավ
Գերմանիայի կանցլերն առաջիկա օրերին պարբերաբար կորոնավիրուսի թեստ կհանձնի
Քաղաքացիներին հրահանգվել է մնալ տանը, դուրս գալ միայն ծայրահեղ անհրաժեշտության դեպքում
Կազմակերպությունը նաև տեսանյութ է հրապարակել
«Ես նույնպես վախենում եմ, բայց ոչ թե խանութ, այլ աշխատանքի գնալուց»,- ասել է նա