Գրող Բորիս Ակունինը վարակվել է կորոնավիրուսով

PanARMENIAN.Net - Ռուսաստանցի հայտնի գրող Բորիս Ակունինը (Գրիգորի Չխարտիշվիլի) վարակվել է կորոնավիրուսով։ Այդ մասին 63-ամյա գրողն ինքն է տեղեկացրել ֆեյսբուքյան իր էջում։

«Աչքաթող եմ արել ֆեյսբուքը, քանի որ նորաձև հիվանդությամբ եմ տառապում։ Մի փոքր ապաքինվեմ՝ անպայման տպավորություններով կկիսվեմ»,- գրել է նա։

Մարտի 26-ի դրությամբ ՌԴ-ում 1 օրում կորոնավիրուսի 182 նոր դեպք է գրանցվել, որից 136-ը՝ Մոսկվայում։ Ընդհանուր առմամբ, Ռուսաստանում 840 հիվանդ կա։ Մոսկվայում մարտի 28-ից մինչև ապրիլի 5-ը փակ կլինեն բոլոր խանութները, մթերայիններից և դեղատներից բացի։