«Ոսկե ծիրանը» նոյեմբերի 1-8-ը կանցկացվի

«Ոսկե ծիրանը» նոյեմբերի 1-8-ը կանցկացվի

PanARMENIAN.Net - «Ոսկե ծիրան» միջազգային կինոփառատոնը 2020-ին կանցկացվի նոյեմբերի 1-8-ը, հայտնում են փառատոնի ֆեյսբուքյան էջից՝ հավելելով, որ այլ սցենարներ ևս կան, սակայն այս պահին հաստատված է նոյեմբերի 1-8 ժամկետը։

«Փառատոնի թիմն այս օրերին ձեռնպահ մնաց հապշտապ հայտարարություններ անելուց՝ կապված հուլիսի 12-19-­ը «Ոսկե ծիրան»-ի անցկացման հետ, քանի որ թե՛ ՀՀ կրթության, գիտության, մշակույթի և սպորտի նախարարության, թե՛ իր բազմաթիվ հայաստանյան և օտարերկրյա գործընկերների, թե՛ գործընկեր փառատոների հետ քննարկվում էին տարբեր սցենարներ՝ առցանց փառատոնից մինչև հետաձգում հաջորդ տարի»,- ասվում է գրառման մեջ:

«Ոսկե ծիրանն» ամենամյա կինոփառատոն է, որտեղ ներկայացվում են հայ ու արտասահմանցի ռեժիսորների աշխատանքներ։ Ավանդաբար կինոփառատոնն անցկացվում է ամռանը, սակայն 2020-ին կորոնավիրուսի պանդեմիայի պատճառով մի շարք այլ միջոցառումների հետ միասին այն ևս հետաձգվել է։

 Ուշագրավ
Կինոփառատոնը պետք է կայանար մայիսի 12-23-ը
Թումանյանի ծննդյան օրը՝ փետրվարի 19-ին, Հայաստնում նշվում է գիրք նվիրելու օրը
Կինոշուկան իր մեծությամբ և հնարավորություններով աշխարհում երրորդն է
Ավելի վաղ նման արդյունք է գրանցել էր միայն Քրիսթոֆեր Քրոսը