Վրաստանում մեքենայով 3 անձից ավելի չերթևեկելու արգելքը հանվել է

Վրաստանում մեքենայով 3 անձից ավելի չերթևեկելու արգելքը հանվել է

PanARMENIAN.Net - Վրաստանում արտակարգ դրության չեղարկումից հետո հանում են նաև մեքենայով 3 անձից ավելի չերթևեկելու արգելքը։ Այդ մասին հայտարարել է Վրաստանի վարչապետ Գեորգի Գախարիան։

Արտակարգ դրության շրջանակում Վրաստանում արգելվում էր 3 անձից ավելի ներկայությունն ավտոմեքենայում՝ ուղևորները պետք է հետևում նստեին։

Ըստ Գախարիայի, մայիսի 22-ից այդ արգելքը կպահպանվի միայն տաքսիների համար, գրում է apsny.ge-ն։

Ըստ Գախարիայի` չեղարկումը դեռ չի վերաբերի հասարակական տրանսպորտին ու միջքաղաքային ուղևորափոխադրումներին։ Դեռևս սահմանափակված են տնտեսական, մշակութային և սպորտային գործունեության որոշ տեսակներ։

Հաշվի առնելով դրական համաճարակաբանական իրավիճակը Վրաստանում՝ այդ երկրի կառավարությունը որոշել է չերկարացնել արտակարգ դրության ռեժիմը։ Մի շարք սահմանափակումներ և պարետային ժամը մայիսի 22-ից չեղարկվել են։

 Ուշագրավ
Գերմանիայի կանցլերն առաջիկա օրերին պարբերաբար կորոնավիրուսի թեստ կհանձնի
Քաղաքացիներին հրահանգվել է մնալ տանը, դուրս գալ միայն ծայրահեղ անհրաժեշտության դեպքում
Կազմակերպությունը նաև տեսանյութ է հրապարակել
«Ես նույնպես վախենում եմ, բայց ոչ թե խանութ, այլ աշխատանքի գնալուց»,- ասել է նա