ԱՄՆ-ն արգելել է հաղորդակցությունը Բրազիլիայի հետ

ԱՄՆ-ն արգելել է հաղորդակցությունը Բրազիլիայի հետ

PanARMENIAN.Net - Մայիսի 24-ին ԱՄՆ-ն արգելել է մուտքը երկիր այն օտարերկրացիների համար, որոնք ԱՄՆ սահմանը հատելուց առաջ 2 շաբաթվա ընթացքում եղել են Բրազիլիայում։

Արգելքը կապված է Բրազիլիայում կորոնավիրուսի համաճարակով պայմանավորված իրավիճակի կտրուկ վատթարացման հետ։ Հարավամերիկյան այդ երկիրը կորոնավիրուսով վարակակիրների քանակով այժմ երկրորդն է աշխարհում, գրում է BBC-ն։

ԱՄՆ իշխանությունները հավելել են, որ ապրանքաշրջանառությունը Բրազիլիայի հետ կիրականացվի նույն ծավալներով։

Ավելի վաղ ԱՄՆ-ն արգելել էր մուտքը նաև Չինաստանից, Իրանից, Շենգեն գոտուց, Բրիտանիայից և Իռլանդիայից զբոսաշրջիկների համար։

ԱՀԿ արտակարգ իրավիճակների գծով ղեկավար Մայք Ռայանը հայտարարել է, որ Հարավային Ամերիկան հիվանդության նոր էպիկենտրոն է դարձել, իսկ առավել տուժած երկիրը Բրազիլիան է։ Նշվել է, որ երկրի բազմաթիվ շրջաններում առողջապահության և ծիսական ծառայությունների ոլոտները կոլապսի եզրին են։

Իրավիճակը բարդանում է նրանով, որ երկրի նախագահ Ժաիր Բոլսոնարուն գիտակցաբար անտեսում է ԱՀԿ խորհուրդները։ Նա կորոնավիրուսի թեթև գրիպ է համարում և քննադատում է իրենց նահանգներում հասարակական կյանքը սահմանափակող նահանգապետերին։

 Ուշագրավ
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել
Նա նշել է, որ ԱԳ նախարար Էլմար Մամեդյարովը որևէ կերպ չի արձագանքել հուլիսի 12-ին իրադարձություններին
Զինվորականը սպանվել է հուլիսի 14-ի առավոտյան