1 օրով Երևանի ու մարզերի 46 սննդի օբյեկտի աշխատանքը կասեցվել է

1 օրով Երևանի ու մարզերի 46 սննդի օբյեկտի աշխատանքը կասեցվել է

PanARMENIAN.Net - ՀՀ պարետի որոշմամբ մայիսի 25-ից 1 օրով չի աշխատի Հայաստանում գործող հանրային սննդի 46 օբյեկտ, հայտնում են Հայկական միասնական տեղեկատվական կենտրոնից։

Օբյեկտներից 16-ը գտնվում են Երևանում, 30-ը՝ Սյունիքի և Վայոց Ձորի մարզերում։

Սննդի անվտանգության տեսչական մարմնի Երևանի կենտրոնի փոխղեկավար Մանվել Մելիքյանի խոսքով՝ նման միջոցներ ձեռնարկվել են այն պատճառով, որ օբյեկտները խախտել են համաճարակային անվտանգության կանոնները:

Նշվում է, որ խախտումները մի քանիսն են՝ աշխատակիցները դիմակներ չեն կրել, չեն օգտագործել սանիտարահիգիենիկ միջոցներ, կամ հաճախորդների ջերմաչափում չի իրականացվել կամ հատուկ արկղեր նախատեսված չեն եղել, որպեսզի հաճախորդներն իրենց դիմակն ու ձեռնոցն այնտեղ գցեն։

Հայաստանում մայիսի 25-ի դրությամբ կորոնավիրուսով վարակի դեպքերը հասել են 7113-ի։ Վիրուսից մահացածների ընդհանուր թիվը 87 է, առողջացել է 3145 պացիենտ։ ՀՀ-ում մայիսի սկզբից սահմանափակումների ռեժիմը մեղմացվել է։ Հանրային սննդի օբյեկտները և տնտեսության մի շարք ոլորտներ կարող են գործել միայն Պարետատան ցուցումներին և անվտանգության չափանիշներին համապատասխանելու դեպքում։

 Ուշագրավ
Հաղթողը վճարելու է նաև հողամասի կադաստրային արժեքը՝ 40․6 մլն դրամից ավելի
Դրանով կառավարությունը ցանկանում է խրախուսել այն ընկերություններին, որոնք կարողացել են պահպանել աշխատատեղերը
«Ինժիներական ասոցիացիա» ՀԿ-ին տրամադրել 90 մլն դրամ՝ թոքերի արհեստական շնչառական սարքերի ստեղծման գաղափարների մասնագիտական ուսումնասիրության համար