Փաշինյան․ Ժողովրդի կամքին բռնացող կուսակցությունների գործունեությունը պետք է դադարեցվի 18 հունիսի 2020 - 09:57 AMT PanARMENIAN.Net - ՀՀ-ում պետք է արգելվի այն կուսակցությունների գործունեությունը, որոնք համակարգված կերպով բռնանում են ժողովրդի կամքի ազատ արտահայտմանը, հունիսի 17-ին ԱԺ-ում հայտարարել է վարչապետ Նիկոլ Փաշինյանը։ Նա նշել է, որ տարիներ առաջ «Ելք» խմբակցության կազմում առաջարկում էր օրինագիծ, ըստ որի՝ նման կուսակցության գործունեությունը պետք է կասեցվեր, սակայն այն չընդունվեց, ինքն էլ կոնսենսուսի գնաց։ Վարչապետն անդրադարձել է ԲՀԿ-ի հայտարարություններին՝ կապված Գագիկ Ծառուկյանի դեմ քրգործի հետ և քննադատությանը, թե ինչու են հենց այժմ իրավապահները սկսել այս գործողությունները։ Ավելի վաղ ԱԺ-ն համաձայնություն էր տվել Ծառուկյանին անձեռնմխելիությունից և ազատությունից զրկելու գործընթաց սկսելուն։ «Ես կարծում եմ, որ քննվում է երրորդ Հանրապետության ամենակարևոր գործերից մեկը։ Ժողովրդի կամքի վրա բռնանալու համակարգված ինստիտուտ է բացահայտվում»,- ասել է նա` հավելելով, որ իրավապահ համակարգի առաջ պետք է խնդիր դրվի ՀՀԿ-ի կոռուպցիոն գործերը բացահայտելու համար: Հունիսի 14-ի առավոտյան ԱԱԾ-ն խուզարկություն էր սկսել Ծառուկյանի տանը, որը մոտ 4 ժամ տևեց։ Ըստ ԱԱԾ-ի՝ նրան պատկանող խաղատունը ՀՀ-ին 30 մլրդ դրամի վնաս է հասցրել, իսկ 2017-ին ԲՀԿ-ն հարյուր միլիոնավոր դրամների ընտրակաշառք է բաժանել։ Ծառուկյանը շանտաժ ու քաղաքական ճնշում էր որակել իր տան խուզարկությունն ու ԱԱԾ-ում հարուցած քրգործը։ Խուզարկությունից հետո Ծառուկյանին տեղափոխել էին ԱԱԾ, որտեղ նա մոտ 9 ժամ հարցաքննվել էր։   Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին   Ամենաընթերցվողը բաժնում |  Վերջին լուրեր Ռուբեն Վարդանյանը, ընտանիքի հորդորով, դադարեցրել է հացադուլը  Կարճ զրույցում ընտանիքը նրան տեղեկացրել է Ադրբեջանի վրա ամբողջ աշխարհից տարբեր պաշտոնյաների աճող ճնշումների մասինԵվրախորհրդարանը կոչ է արել կասեցնել էներգետիկ գործակցությունը Բաքվի հետ և պատժամիջոցներ սահմանել Ադրբեջանի պաշտոնյաների դեմ Ասվում է, որ Ադրբեջանում շարունակվող մարդու իրավունքների խախտումներն անհամատեղելի են COP 29–ը ընդունող երկիր լինելու հետՀայկական առաջին բանկը Ֆասթեքսվերսում․ Ֆասթ Բանկը ներկայացնում է իր վիրտուալ տարածքը Oգտատերերը ևս կարող են ստեղծել իրենց սեփական ավատարներըԵրևանում իրազեկման ակցիաներ են անցկացվել, փողոցներ փակվել Դավթաշենում քաղաքացիները 15 րոպեով փակել էին ճանապարհը |
