Ադրբեջանի 16 քաղաքում և շրջանում հատուկ կարանտինային ռեժիմ է

Ադրբեջանի 16 քաղաքում և շրջանում հատուկ կարանտինային ռեժիմ է

PanARMENIAN.Net - Հուլիսի 5-ից Ադրբեջանի 16 քաղաքում և շրջանում հատուկ կարանտինային ռեժիմ է սահմանվել՝ կորոնավիրուսի վարակի տարածման արագությունը նվազեցնելու նպատակով։ Ռեժիմը կգործի մինչև հուլիսի 20-ը։

Խոսքը Բաքու, Ջալիլաբադ, Գյանջա, Լենկորան, Մասալլի, Սումգաիթ, Եվլախ քաղաքների և մի քանի շրջանների մասին է, գրում է Haqqin.az-ը։

Համապատասխան որոշումը կայացրել է կառավարութանը կից գործող օպերատիվ շտաբը։

Հատուկ կարանտինային ռեժիմով գործող բնակավայրերում անձանց թույլատրվում է դուրս գալ տնից միայն SMS-ով կամ բջջային հավելվածով ստացված թույլտվության միջոցով։ Քաղաքացիները պետք է դրական պատասխան ստանան իրենց հարցմանը, հետո նոր լքեն բնակարանը կամ տունը։

Արգելվում է խոշոր առևտրի կենտրոնների, բացառությամբ՝ մթերային բաժինների և կից դեղատների, հանրային սննդի վայրերի, թանգարանների և ցուցահանդեսների, վարսավիրանոցների, գեղեցկության սրահների, կրթական հաստատությունների գործունեությունը, բաց տարածքում մարզումների, սպորտային միջոցառումների և խաղերի անցկացումը։

Հանգստյան օրերին չի գործի նաև տրանսպորտը։

Ադրբեջանում հուլիսի 5-ի դրությամբ կորոնավիրուսով վարակի 20,324 դեպք է գրանցվել, որից 11, 742-ն ապաքինվել է, 250 մարդ մահացել է, 8332-ը շարունակում է բուժումը։ Կատարվել է 516, 533 թեստավորում։

 Ուշագրավ
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել
Նա նշել է, որ ԱԳ նախարար Էլմար Մամեդյարովը որևէ կերպ չի արձագանքել հուլիսի 12-ին իրադարձություններին
Զինվորականը սպանվել է հուլիսի 14-ի առավոտյան