«Աերոֆլոտը» մտադիր է մինչև տարեվերջ վերականգնել ուղևորահոսքի կեսը

«Աերոֆլոտը» մտադիր է մինչև տարեվերջ վերականգնել ուղևորահոսքի կեսը

PanARMENIAN.Net - «Աերոֆլոտը» մտադիր է մինչև 2020-ի ավարտը վերականգնել ուղևորահոսքի կեսը՝ այսինքն, տեղափոխել մոտ 30 մլն ուղևորի։ Այդ մասին ասել է ընկերության գլխավոր տնօրեն Վիտալի Սավելևը ՌԴ նախագահ Վլադիմիր Պուտինի հետ խորհրդակցության ժամանակ։

Նա նշել է, որ վերականգնումը բավականին բարդ է լինելու, քանի որ ապրիլին ընկերության փոխադրումները նվազել են 95%-ով։ Նա հավելել է, որ եթե հաջողվի պայմանավորվել թռիչքները վերսկսող ընկերությունների հետ, գուցե հնարավոր լինի վերականգնել ավիափոխադրումների 80%-ը, գրում է «Վեդոմոստին»։

Ըստ Սավելևի` ներքին թռիչքների սահմանափակումների չեղարկումը թույլ կտա վերականգնել 2019-ի ներքին փոխադրումների մակարդակը 2020-ի դեկտեմբերին։ Նա հավելել է, որ շատերը հրաժարվում են թռիչքներից, քանի որ ընդունող քաղաքները կորոնավիրուսի պատճառով սահմանափակող միջոցներ են ձեռնարկում։

ՌԴ-ում կորոնավիրուսով վարակի 687,862 դեպք է գրանցվել, որից 454,329-ն ապաքինվել է, մահցել է 10,296-ը։

 Ուշագրավ
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել
Նա նշել է, որ ԱԳ նախարար Էլմար Մամեդյարովը որևէ կերպ չի արձագանքել հուլիսի 12-ին իրադարձություններին
Զինվորականը սպանվել է հուլիսի 14-ի առավոտյան