Ալիև․ 17 տարի մեզ արտաքին ուժերն ասում էին՝ վերցրեք ձեր 5 շրջանը և բավարարվեք, մինչև ԼՂ անկախության հարցը լուծեք 1 դեկտեմբերի 2020 - 14:22 AMT PanARMENIAN.Net - Ադրբեջանի նախագահ Իլհամ Ալիևը պատմել է, թե Լեռնային Ղարաբաղի խաղաղ կարգավորման բանակցային փուլում իրեն միջազգային հանրությունն ինչ տարբերակներ է առաջարկել որպես լուծում։ Moscow-baku.ru-ն գրում է՝ նա նշել է, որ իրեն առաջարկում էին վերցնել 5 շրջանը* և բավարարվել դրանով՝ հաշվի առնելով, որ առաջին պատերազմում Հայաստանը հաղթել է։ *Խոսքը Ղուբաթլիի, Զանգելանի, Ջաբրայիլի, Ֆիզուլիի և Աղդամի շրջանների մասին է։ «Կարող եմ ասել, որ այս 17 տարում (2002 թվականից-խմբ․) տարբեր տեղերից, արտաքին շրջանակներից բազմակի ազդակներ ենք ստացել, որ վերցրեք հիմա 5 շրջանը և բավարարվեք դրանով։ Դուք պարտվել եք պատերազմում, Հայաստանը հաղթել է (նկատի ունեին առաջին ղարաբաղյան պատերազմը,- խմբ.), հաշտվեք իրականության հետ։ 5 շրջան, որոնք ձեզ հիմա խոստանում են, արդեն մեծ բան է, դուք ստանում եք դրանք, իսկ Լաչինը և Քելբաջարը (Քարվաճառը) մնում են հետո, երբ Ղարաբաղին անկախություն կտաք, այդ ժամանակ էլ արդեն կվերադարձվեն այդ շրջանների մասը»,- մանրամասնել է նա։ Ալիևի խոսքով՝ ինքն ասում էր, որ եթե Լաչինը (Քաշաթաղը), Քելբաջարը (Քարվաճառը) և Շուշին չեն վերադառնում Ադրբեջանին, հնարավոր չէ որևէ համաձայնություն, և այդ դիրքորոշումը «նարդայնացնում էր բազմաթիվ երկրների»։ «Ես ասում էի, որ մեր տարածքային ամբողջականությունը պետք է վերականգնվի։ Ասում էի, որ ռազմական ճանապարհը երբեք չի բացառվում։ Ես միայն չէի խոսում, այս բոլոր տարիներին մենք, մոբիլիզացնելով մեր ուժերը, ամրացնելով մեր երկիրը, հավաքվեցինք ուժերով երկրի ներսում և միջազգային հարթությունում, տնտեսական հարցերի լուծման և երկրում միասնության և համաձայնության ամրացման, բանակաշինության հարցերում»,- ասել է նա՝ նշելով, որ այդ ուժով հաղթել են հայկական կողմին և ստեղծել նոր իրականություն։ Ըստ Ալիևի՝ եթե նույնիսկ մեկ տարի առաջ որոշներն իրենց ասում էին՝ հաշտվեք իրականության հետ, այսօր ինքն է ասում՝՝ հաշտվեք ձևավորված իրականության հետ։ Նա սպառնացել է, որ եթե որևէ մեկը փորձի խառնվել նոյեմբերի 10-ին ստորագրված հայտարարությանը, ապա կստանա խիստ պատասխան։ «Այդպիսի փորձեր կան։ Նրանք ունեն մեկ նպատակ՝ խաթարել համաձայնությունը, քանի որ այն որոշներին նյարդայնացնում է նրանով, որ նոր անվտանգային ձևաչափ է ի հայտ բերել։ Հայտարարության մեջ ամրագրված է թուրք-ռուսական համատեղ կենտրոնի ստեղծումը։ Միաժամանակ, որոշներին նյարդայնացնում են անվտանգության միջոցառումները և հայտարարության պայմանների իրականացումը։ Այնուամենայնիվ, ոչ մեկ չի կարող խառնվել մեր գործերին՝ ձեռք բերված համաձայնությանը։ Այն կյանքի է կոչվում և կշարունակի կյանքի կոչվել»,- նշել է նա։ Ուշագրավ Այցն աշխատանքային է Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Ամենաընթերցվողը բաժնում | ՀՀ և Ադրբեջանի սահմանին փորձագետները սկսել են կոորդինատների ճշտումը Նշվում է, որ դա արվում է հանձնաժողովի 8-րդ հանդիպման արդյունքներով ձեռք բերված պայմանավորվածությունների համաձայն Վարչապետ․ ՀԱՊԿ–ը սահման պիտի գար որպես ՀՀ դաշնակից, ոչ թե որպես խաղաղապահ կամ խաղաղարար «Այս պայմաններում մենք չենք կարող ուղղակի ձևացնել, թե այդ ամեն ինչը չենք նկատում»,–ասել է նա Բաղանիսի և Ոսկեպարի ղեկավարները դժգոհ են փոխվարչապետի հետ հանդիպումից․ Երևանում նրանց հորդորել են հանդարտեցնել մարդկանց Նշվել է, որ կոնկրետ Բաղանիս Այրումի հատվածում սահմանի փոփոխություններ կլինեն արդեն ապրիլի 23–ից սկսած Սիմոնյանը՝ ԵՄ համաժողովում․ Մտահոգիչ է, որ ՌԴ բազմաթիվ պաշտոնյաներ համարձակվում են թելադրել Հայաստանի շահերը Նա խոսել է Հայաստանի դեմ ՌԴ և Ադրբեջանի հիբրիդային հարձակման մասին՝ կապված ապրիլի 5-ի Բրյուսելի հանդիպման հետ |