  ԱՄՆ նախագահը 1 տարով երկարացրել է Իրանի դեմ պատժամիջոցները 6 մարտի 2021 - 16:21 AMT PanARMENIAN.Net - ԱՄՆ նախագահ Ջո Բայդենը երկարացրել է Իրանի դեմ գործող պատժամիջոցների ռեժիմը, որը Վաշինգտոնը սահմանել է 1995-ին։ Պատժամիջոցները երկարացվել են 1 տարով։ «Իրանի կառավարության գործողություններն ու քաղաքականությունը նախկինի պես մեծ սպառնալիք են ԱՄՆ ազգային անվտանգության, արտաքին քաղաքականության և տնտեսության համար»,- ասվում է փաստաթղթում, գրում է Deutsche Welle-ն։ Բայդենն Իրանի համար վտանգավոր է համարել «հրթիռների և այլ ասիմետրիկ և սովորական սպառազինությունների մշակումն ու տարածումը, աջակցությունն ահաբեկչական խմբավորումներին և Իսլամական հեղափոխության պաշտպանների կորպուսի վնասակար գործունեությունը»։ Իրանի դեմ պատժամիջոցներն ԱՄՆ-ն երկարացնում է ամեն տարի, սակայն, ըստ դիտորդների՝ այս անգամ դա արվել է Իրանի հետ միջուկային գործարքին ԱՄՆ հնարավոր վերադարձի ֆոնին, ինչպես նախընտրական շրջանում խոստացել է Բայդենը։ ԱՄՆ-ն, սակայն, պահանջում է, որ սկզբից Իրանը վերադառնա գործարքի պայմանների պահպանմանը, որի դեպքում հնարավոր կլինի մեղմացնել պատժամիջոցները։ Իրանն, իր հերթին, պնդում է հակառակ հաջորդակնությունը։ Photo. AP   Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում   Ամենաընթերցվողը բաժնում |  Վերջին լուրեր Սենատի Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր  Հյուրերը շրջել են նաև Հայոց ցեղասպանության թանգարանումԹրյուդո․ Պետք է հիշենք և հարգենք Հայոց ցեղասպանության զոհերի հիշատակը Նա նշել է, որ Կանադայում ապրիլը համարվում է Ցեղասպանության, հիշատակի, դատապարտման և կանխարգելման ամիսԹուրքիայի ընդդիմադիր DEM կուսակցությունը ոգեկոչել է Հայոց ցեղասպանության զոհերի հիշատակը Ոգեկոչման ակցիան ուղեկցվել է ցեղասպանության զոհ գնացած հայ մտավորականների լուսանկարների ցուցադրմամբՍերժ Սարգսյանը՝ ընդդիմության անհաջողության մասին․ Կան ոչ միասնական մոտեցումներ Նա նշել է նաև, որ կա արտաքին սատարում այս իշխանություններին |
