Պետդեպը հաստատել է․ ԱՄՆ-ն ժամանակավորապես կասեցրել է Ադրբեջանին զենք մատակարարելու արգելքը30 ապրիլի 2021 - 13:57 AMT PanARMENIAN.Net - ԱՄՆ-ն ժամանակավորապես կասեցրել է Ադրբեջանին զենք մատակարարելու արգելքը։ ԱՄՆ պետքարտուղար Էնթոնի Բլինքենը երկարացրել է «Ազատության աջակցության ակտի» 907-րդ ուղղման կասեցումը, որի արդյունքում թույլատրվում է ԱՄՆ ուղիղ օգնությունն Ադրբեջանին։ Այդ մասին ապրիլի 29-ին PanARMENIAN.Net ին հայտնել են ԱՄՆ Պետդեպից։ «Ազատության աջակցության ակտի» 907-րդ ուղղումն ԱՄՆ Կոնգրեսն ընդունել է 1992 թվականին Ադրբեջանի կողմից Հայաստանի շրջափակման պատճառով և նախատեսում է Ադրբեջանին միայն մարդասիրական օգնության տրամադրում: Ըստ այդ ուղղման ԱՄՆ կառավարությանն արգելվում է օգնություն ցուցաբերել Արդբեջանի պաշտոնական կառույցներին, քանի դեռ այդ երկիրը «ակնհայտ քայլեր չի ձեռնարկել ՀՀ և Լեռնային Ղարաբաղի դեմ բոլոր տեսակի շրջափակումների և ուժի կիրառման այդ հարձակողական ձևերի վերացման ուղղությամբ»։ Սակայն 2002թ․Կոնգրեսն ուղղում կատարեց 907-րդ բաժնում, որով թույլատրվում է նախագահի կողմից ակտի կասեցումը և ռազմական աջակցությունն Ադրբեջանին, ինչն էլ ամեն տարի անում է ԱՄՆ նախագահը։ Ապրիլի 28-ին Բլինքենն Ադրբեջանի նախագահ Իլհամ Ալիևի հետ հեռախոսազրույցում ասել էր, որ 907-րդ ուղղումը կասեցվել է նաև այս տարի։ Ալիևն այդ կապակցությամբ իր երախտագիտությունն էր հայտնել։ «ԱՄՆ-ն գնահատում է իր ռազմավարական գործակցությունն Ադրբեջանի հետ։ 1992թ․ ի վեր ԱՄՆ-ն ավելի քան $1.5 մլրդ օգնություն է տրամադրել Ադրբեջանին, այդ թվում՝ $6 մլն Covid-19-ի դեմ պայքարի համար, և գրեթե $10 մլն երկկողմ օգնություն 2020-ին»,-ասվում է ԱՄՆ Պետդեպարտամենտի մամուլի քարտուղարի հայտարարության մեջ։ ԱՄՆ գործող նախագահ Ջո Բայդենը, դեռևս լինելով նախագահի թեկնածու, 2020-ի հոկտեմբերի վերջին հայտարարել էր, որ «Լեռնային Ղարաբաղում ապրող մարդկանց, որոնք առանց այդ էլ արդեն շատ են տուժել և կարիք ունեն, որ իրենց օգնեն անվտանգության ապահովման գործում, լայնածավալ հումանիտար աղետ է սպառնում»։ Այնուհետև Բայդենն ասել էր, որ ԱՄՆ այդ ժամանակվա նախագահ Դոնալդ Թրամփը պետք է «ամբողջությամբ կատարի և չհրաժարվի «Ազատության աջակցության ակտի» 907-րդ ուղղման պահանջները կատարելուց՝ կասեցնելու համար ռազմական տեխնիկայի հոսքն Ադրբեջան»։ Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա ՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը |